1 Malikwa 7:14 - NABUWWA KEE MALIKWA

¹⁴ Kay abba Suur-marah aabakuk yeneeh; addunyal yen saaku kaadu nacaasak mansafitte elle bicsa innah ixxiga luk yen. Kay ina Naftaali deqsitta kedoh tooboke. Curam, kaxxam bagi cubbi leeh yublen xayih raaqisa numuy nacaasak duyye bicsaanamih ixxigal muxxo lehiyyah yen. Suleeman nacaasak bicsan mansafwah taamah abbah kaa hee. Curam toh kaak oggoleh.

1 Malikwa 7:14 ပူးပေါင်းရင်းမြစ်များ

2 Aydaad 2:14

Ta num abuusam, Daan deqsitta kedooy; kay abba elle yoobokem, Suur deqsitta magaala. Dahab kee lakqooy nacaas kee biriita elle bicsan inna nagay yaaxige. Xeet elle oran inna kee qari xisnet bica coox elle yargiqen inna nagay yaaxige. Tohuk kalah kaadu, kuclinan kee qasdiiminan kee qisik sara elle bicsan inna nagay yaaxige. Tonnah kaadu, *baftak meqe sara elle bicsan inna yaaxige numu. Xeetik bagul taswiir kee kutbe elle haan inna yaaxigeeh, aba kaak axcinnaan taama elle faxxa haan innal abam yaaxige. Ta num yamaate saaku ku maray naggaarinna lehiyya kee duma ku abbah taamitak suge mara lih taamitay kaa axcetto.

2 Aydaad 2:6

Tonna'mmay Yalla tikka 'ya qaran kinni-way yabbixu maduuda. Tonna-leemiik sahdayti kaa yabbixe qari xisu maduuda. Tonna-kinnuk, anu kaah sadgat elle abaanamak fula qari xisam maduuda.

2 Aydaad 4:11

Curam tohuk kalah kaadu, gombod elle caxan mingilwaay, badiilaali kee, rifan qabala kee lee elle haan sacnitte bicse. Curam Suleeman kaal yecee taamak gaba kaleeh, YALLIH Qibaadah-Qarih-taama duuduse.

2 Aydaad 4:16

gombod elle caxan mingilwaay, badiilaali kee feeraari le malaakiq bicse. Naggaarinna abba haa marak inkih foocat yan Curam ta duyye inkih akak bicsem, isiffiyya heen nacaasak ten. «Ta duyye YALLIH Qibaadah-Qarih tannal bicisa» kaak intem, Malik Suleemanak ten.

Yasaqya 28:26

Yalli kaah yecee ixxiga leeh, tohuk gexxaamah isi taama meqe innal aba.