1 Malikwa 6:5 - NABUWWA KEE MALIKWA

⁵ Qibaadâ-Qarik dariifat qunxa qarwa xiseeh; too qarwa iro le kabuk Qibaadâ-Qarit xakabuh raaqak ten.

1 Malikwa 6:5 ပူးပေါင်းရင်းမြစ်များ

1 Malikwa 6:16

Kulliimik-Taahiriinoh-Yayse-Goli deqsita goli elle yenem, Qibaadâ-Qarik iqiyak ten. Too golik gambi sariidak bicse. Qibaadâ-Qarik darre le kabuuk woo aracak goli gambi fan, xexxaarah labaatanni cusul akkuk yen.

1 Malikwa 6:31

Kulliimik-Taahiriinoh-Yayse-Goli akak culaana'gidih afa bicse. Woo afa wagartok bicsen namma alifuy sittat xakabuh yanihiyya luk ten. Woo namma alifuk inkih, daga raqta exxa qunuunusen qansa-caxxa ceelak ten.

1 Malikwa 6:6

Too qarwa sidiica adda ittak amol xisneh ten. Guba raqta qarwa baguh koona cusul akkuk ten. Fanti-qarwa baguh lica cusul akkuk ten. Inkih daga raqta qarwa baguh malcina cusul akkuk ten. Qibaadâ-Qarih gidaar boohaysaanam faxxiime waak teneemih sabbatah, fanat raku akak heen.

1 Aydaad 23:28

Taamah keenih yeceenim: Qibaadâ-Qaril YALLIH qibaada aban waqdi, Haaruunuk rade maray seekâ-lago lehiyya faxxinta taamal cataanam kee, Qibaadâ-Qarih daaratwa kee qunxa qarwa dacrisaanam kee, taahirik enna 'ta duyyey Qibaadâ-Qaril tanihiyya saytunusaanam kee, raqqa 'ta taamay Yallih Qibaadah-Qarih addal faxximma 'tahiyya abaanam kee,

1 Aydaad 28:11

Dawud, Qibaadâ-Qari elle xisu waa gurra Suleemanah yescesse. Qibaadâ-Qari akak culan arac kee, Qibaadâ-Qarih addal duyye elle daanisoonu waan golitte kee, Kulliimik-Taahiriinoh-Yayse-Goliy dambi-cabsuh culaanahiyya elle xisu waa inna kaah yescesseeh, tohuk kalah tan golittey raqqa 'tehiyya elle xisu waa innih gurra kaah yescesse.

1 Aydaad 9:26

Yallih Qibaadah-Qaril duyye elle daanisan golitte kee aki golitteh qaada wagga hayta taama, Yallih Qibaadah-Qarit dacayrih suge marak affara numuy keenik abbobtih yenehiyyah gabal heen. Too mari Leewih yooboke marak ten.

2 Aydaad 31:11

Tonna-leemiik Malik keenik elle iyye innal, YALLIH Qibaadah-Qaril duyye edde daanisan arac bicseeniih;

2 Aydaad 4:20

Kulliimik-Taahiriinoh-Yayse-Golik foocal, Muusal obte xinto elle inta innal, faxxiima waqdi ursan faanuswa kee faanuswa elle daffeysan coox agle sinni dahabak bicsen.

2 Aydaad 5:7

Tohuk gaba kalen waqdi seeka, YALLIH Qahdih-Sandug ukkuqqa hayteh, Qibaadâ-Qarik addal Kulliimik-Taahiriinoh-Yayse-Goliy iqiyat raaqahiyyah addal daffeyseeniih, woo galwa leemih ceeloh gubal heen.

2 Aydaad 5:9

Tet elle yakkuqen cooxih buxuxwak exxaaxi Kulliimik-Taahiriinoh-Yayse-Goli deqsita aracak foocal soola numuh amballayuk yene'mmay, tohuk kalih kabuk amballayuk mananna. Too coox ta saaku fan tokkel elle yan.

Nacmiya 10:37

Qibaadâ-Qaril tan seekah kulli sanatal naharat orobte darok riyne buluula baahennooh; tohuk kalah kaadu, qinabak bicisne kamri kee caxâ xaylok bicsen *zeyti kee caxâ-miru keenih aceenno. Tohum inkih Qibaadâ-Qarik duyye edde daanisan golitteh addal heenno. Leewih yooboke mari ni mandar kee ni buqreh ardil tooboke darok taban haytoh af gaaboysak sugeemih taagah, taban haytoh af dakaatah keenih aceenno.

Nacmiya 12:44

Too saaku, Yallih Qibaadah-Qarih gaaboysan duyye kee, Yallih Qibaadah-Qaril gaaboysan dakaat kee, kulli sanatal darok naharat orobte daro kee, naharal alaye caxâ-miru elle daanisan qarih dacayrih taamat labha heen. Ta mari magaaloolil xayi buqreh baaxok ta maaqo seeka kee Leewih yooboke marah gaaboysaanam taamah luk yenen. Toh kitab elle iyya'nnal abak yenen. Yuudah yooboke mari inkih, seeka kee Leewih yooboke mari abe taama yossokooteh yen.

Ermiyaas 35:2

«Rekab deqsita gulubuh gacsa mara fan gexaay, YALLIH Qibaadah-Qari fan ken bah. Tokkel Qibaadâ-Qarih golittek golik teena ken culussa haay, qinabak bicsen kamri ken efeq» kaak iyye.

Ermiyaas 35:4

yakkeenimiik YALLIH Qibaadah-Qari fan ken baahe. Qibaadâ-Qarik Yigdalyaahû-Caanan deqsita nabih darsa edde ten golih adda ken culse. Too goli Qibaadâ-Qarik saqoltih yan mari le golik xaqut yeneeh, kaadu Sallúm-Maqseyaahu deqsita numih golik daga raaqa golik ten. Maqseyaahu Yallih Qibaadah-Qarih taamat kaxxa arac le numuk ten.

Yacedkel 40:17

Sarrak too num Qibaadâ-Qari akak culan afak daarat fanah yoo bee. Tokkel woo irô-kabu raqta gasot xakabuh xisen soddom goli yen. Too soddom golik foocat xeet qalumuh elle heen arac yen.

Yacedkel 40:44

Sarrak too num adda le kabut raaqa daarat fanah yoo bee. Tokkel adda kabu raaqa daaratat namma goli uble. Too golik tiyak teeni kilbat le kabut raqta culmak garit yeneeh, gabbi-qaxa fanah afkunuk yen. Tiyak teeni kaadu gabbi-qaxat raqta culmak garit yeneeh, kilbat le kabu fanah afkunuk yen.

Yacedkel 41:4

Iqiyat yan goli yakkeh gide affara kaalib yimittire waqdi, tabna mitri yekke. Ta goli woo fanti golik aki-qaxat raaqak yen. Sarrak yok iyyeemih, «Aham Kulliimik-Taahiriinoh-Yayse-Goli» iyye.