1 Malikwa 6:36 - NABUWWA KEE MALIKWA

³⁶ Qibaadâ-Qarih-addah-daaratak sidooca xaay oreenihiyyay tittin bagul heenihiyyak lakal, woo xaak amo le kabul sariida coox haak bicsen. Kulli gidaarak daga raaqa aracah amma 'yaanamah tonnal bicsen.

1 Malikwa 6:36 ပူးပေါင်းရင်းမြစ်များ

1 Malikwa 6:35

Too namma alifih bagul, galwa leemiiy nakliita kee qobor taswir yen. Bagul dahab exfeenih akak yenen.

1 Malikwa 7:12

Malik-qarih-kaxxa-daarat kee, Qibaadâ-Qarih-addah-daarat kee Qibaadâ-Qarih-adda akak culan naharsi goli inkih, sidooca xaay oreenihiyyay tittin bagul heenik xisen. Woo xeetik amo le kabul sariida heen. Kulli gidaarak daga raaqa aracah amma 'yaanamah tonnal bicsen.

2 Aydaad 4:9

Seeka elle gacta'gidih, Qibaadâ-Qarik adda le kabul daarat bicsen. Tonnah kaadu iro le kabuk kaxxa daarat bicsen. Daarat-alfintitte bicseenih; too alfintitte nacaasak exfen.

2 Aydaad 7:7

Suleeman Qibaadâ-Qarih daaratih addal, hununuh Qibaadâ-Qarih foocat raqta fanti exxa Yallih taamah taahirroyseh. Tokkel cado akak inkih cararisu waa saq yusguudeh, sadgatah daro baahe. Kaadu amaanah xiinaanamih astah aban sadgatak xayta cararise. Too sadgat woo aracal akah abem, sadgatah qidan saq elle yasguudeeni'gidih, nacaasak bicsen mansaf a axxul le sadgat bagul akak abaanah gide nabnah akkuk mananna.

Qedra 6:4

Gidaar akah xisaana'gidih naba xeetiy affara ruknik yanihiyyak sidooca xisne xisaanama. Sarra fanat inki xisneh gide cooxuk xisaanama. Tohuk lakal kaadu sidooca xisneh gide xeetik xisak, sarrak kaadu, gudet inki adda cooxuk xisak, gaba kalla haanam fanah too gurral xisaanama. Ta xisneh faxximma 'tam malik-makdanak yacoonay.

Ermiyaas 36:10

Too mari inkih elle gaaboowe'kkel, Baaruk xambaqen-warkat fakka heeh, YALLIH yaabay Ermiyaas kaah warsehiyyak kawsa keenih abe. Toh keenih elle yikriyem, YALLIH qibaadah-qarih addal Gamarya deqsita numih golih addak ten. Gamaryak abba Safan deqsitak yeneeh, duma malik-buxak kutbe-abeenah yen. Too qari elle yenem, YALLIH Qibaadah-Qari luk yen daga raqta golittek golik teenay Qibaadâ-Qarik Qusba-afay akak culaanahiyyak garik ten.

Yacedkel 40:28

Too num gabbi-qaxat raqta culmaak adda le kabut raaqa daaratih fan yoo bee. A culma takkeh gide yimittire waqdi, gersi culmah gide akkuk ten.