1 Malikwa 6:32 - NABUWWA KEE MALIKWA

³² Too Kulliimik-Taahiriinoh-Yayse-Golik alfentih bagul, galwa leemih ceelo kee, nakliita kee qobor taswiirih akak heen. Sarrak woo namma alifu kee, nakliitah coox kee galwa leemih ceeloy woo namma alifih bagul taswiirih heenihiyya dahabat exfen.

1 Malikwa 6:32 ပူးပေါင်းရင်းမြစ်များ

1 Malikwa 6:18

Qarik adda qobor kee xalooli taswiir elle heen sariidah cooxut bilqisen. Qari akak bicsen xeet ambulle waa'gidih, qarik bagu inkih sariidat alfen.

1 Malikwa 6:23

Kulliimik-Taahiriinoh-Yayse-Golih addal, galwa leemih ceelok nammay wagartok bicsen. Tohum sidooca sahdayti le xexxaarih gide akkuk ten.

1 Malikwa 6:29

Qibaadâ-Qarih golittek fanti goli kee Kulliimik-Taahiriinoh-Yayse-Golih agantah, gidaarwah bagul, woo nammaamay galwa lehiyyah ceelo kee, nakliita kee, fakimit yan qobor taswiirit bilqiseenih yenen.

1 Malikwa 6:31

Kulliimik-Taahiriinoh-Yayse-Goli akak culaana'gidih afa bicse. Woo afa wagartok bicsen namma alifuy sittat xakabuh yanihiyya luk ten. Woo namma alifuk inkih, daga raqta exxa qunuunusen qansa-caxxa ceelak ten.

1 Malikwa 6:33

Qibaadâ-Qari akak culan afay affara rukni lehiyya wagartok bicsen.

2 Aydaad 4:22

faanuswa edde bargusan afti-xaylooy, rifan qabala elle haan sacnitteey, qeerisan qaydarus elle haan mingilwa kee, xikcin elle haan kabaaba inkih, saafik yan dahabak bicseenih yenen. Tohuk kalah kaadu, Yallih Qibaadah-Qari akak culan iro le kabut raqta culmah alfintitte kee Kulliimik-Taahiriinoh-Yayse-Goli akak culan alfintitte dahabat exfeenih yenen.

Yacedkel 40:16

Woo aroocak afa le kabut raqta gidaarwa qunxa afoofî-xaylo luk ten. Tonnah kaadu adda le kabu raqta gidaarway aroocak fanal tanihiyya qunxa afoofi luk ten. Gitah akak gacan aracak foocat tan adda le kabu raqta gidaarwa, bilqah heen nakli-tasaawirih bagul luk ten.

Yacedkel 41:18

Tohum nakli-tasaawir kee galwa-leemih tasaawirik ten. Too ceeloy galwa lehiyya kee nakli-tasaawir tiiy tii lakal haak, inkih yan qarik adda duuduseenih yenen. Galwa le ceelok kulli tii namma fooca luk yen.