1 Malikwa 6:29 - NABUWWA KEE MALIKWA

²⁹ Qibaadâ-Qarih golittek fanti goli kee Kulliimik-Taahiriinoh-Yayse-Golih agantah, gidaarwah bagul, woo nammaamay galwa lehiyyah ceelo kee, nakliita kee, fakimit yan qobor taswiirit bilqiseenih yenen.

1 Malikwa 6:29 ပူးပေါင်းရင်းမြစ်များ

1 Malikwa 6:18

Qarik adda qobor kee xalooli taswiir elle heen sariidah cooxut bilqisen. Qari akak bicsen xeet ambulle waa'gidih, qarik bagu inkih sariidat alfen.

1 Malikwa 6:28

A nammaamay galwa lehiyya dahabat exfeenih yenen.

1 Malikwa 6:30

Inkih yan Qibaadah-Qarik baaxa dahabat exfeenih yenen.

1 Malikwa 6:32

Too Kulliimik-Taahiriinoh-Yayse-Golik alfentih bagul, galwa leemih ceelo kee, nakliita kee qobor taswiirih akak heen. Sarrak woo namma alifu kee, nakliitah coox kee galwa leemih ceeloy woo namma alifih bagul taswiirih heenihiyya dahabat exfen.

2 Aydaad 3:14

Too golih afat wanxeexit sugte reebi-saro akak bicseenim, *baftak bicsen meqe saro kee kuclinan kee qasdiiminan kee qisi le tafulwak ten. Woo tafulwa kee saro titta lih meqe'nnal bicseenih; too sarok bagul galwa leemih tasaawir heenih yenen.

2 Aydaad 3:7

Adda le kabuk gidaar akak dahabat exfeenih yenen. Toh lih kaadu, amô-tabsih coox kee qari culmah ranko kee albaabitte inkih, dahabak exfeenih yenen. Gidaarak bagul galwa leemih tasaawir bileenih yenen.

Yacedkel 40:16

Woo aroocak afa le kabut raqta gidaarwa qunxa afoofî-xaylo luk ten. Tonnah kaadu adda le kabu raqta gidaarway aroocak fanal tanihiyya qunxa afoofi luk ten. Gitah akak gacan aracak foocat tan adda le kabu raqta gidaarwa, bilqah heen nakli-tasaawirih bagul luk ten.

Yacedkel 41:18

Tohum nakli-tasaawir kee galwa-leemih tasaawirik ten. Too ceeloy galwa lehiyya kee nakli-tasaawir tiiy tii lakal haak, inkih yan qarik adda duuduseenih yenen. Galwa le ceelok kulli tii namma fooca luk yen.