1 Malikwa 6:20 - NABUWWA KEE MALIKWA

²⁰ Woo arac xexxaarah labaatanni cusul akkuk yen. Baguh kaadu labaatanni cusul akkuk yen. Fayyah kaadu labaatanni cusulih gide akkuk yen. Golik adda inkih, agle sinni dahabak exfen. Sadgat elle aban aracay sariidak bicseenihiyya kaadu agle sinni dahabak exfen.

1 Malikwa 6:20 ပူးပေါင်းရင်းမြစ်များ

1 Malikwa 6:19

Qibaadâ-Qarik iqiyal yen Kulliimik-Taahiriinoh-Yayse-Goli, YALLIH Qahdih-Sandug elle haana'gidih, bicsen.

1 Malikwa 6:21

Qibaadâ-Qarik adda inkih dahabak bileenih yenen. Qibaadâ-Qarik Kulliimik-Taahiriinoh-Yayse-Golik adda akak culan afat dahabak bicsen silsilat axawah yen.

1 Malikwa 6:22

Inkih yan qarik addak baaxaay gidaar kee amo inkih dahabak exfeenih yenen. Kulliimik-Taahiriinoh-Yayse-Golik adda, sadgat elle aban mansafak inkih dahabak exfen.

1 Malikwa 7:48

Suleeman wohuk kalah, YALLIH Qibaadah-Qarih-addal tan duyye dahabak bicsiise. Tohum, sadgatah qerto elle qeerisan aracaay, Yallih sadgatah xayyoosan gaqambo amol akak tan miiz kee,

2 Aydaad 3:7

Adda le kabuk gidaar akak dahabat exfeenih yenen. Toh lih kaadu, amô-tabsih coox kee qari culmah ranko kee albaabitte inkih, dahabak exfeenih yenen. Gidaarak bagul galwa leemih tasaawir bileenih yenen.

Yacedkel 41:22

Tohum xexxaarah, mitri kee garab akkuk teneeh, mitri baguh akkuk ten. Woo *rukni qekuh elle yan gambi kee rakiibo inkih akak bicseenim cooxuk ten. Too num sarrak, «Aham YALLIH foocal yan miizi» yok iyye.

Yacedkel 41:4

Iqiyat yan goli yakkeh gide affara kaalib yimittire waqdi, tabna mitri yekke. Ta goli woo fanti golik aki-qaxat raaqak yen. Sarrak yok iyyeemih, «Aham Kulliimik-Taahiriinoh-Yayse-Goli» iyye.