1 Malikwa 5:9 - NABUWWA KEE MALIKWA

⁹ Yi mari yirgiqen coox bad fan baahelon. Tokkel tittat tuuy rikel axaw axawah hayya heenih, baddi-amol, atu yoh ruuba axcinnaan ikke fan, koh akah gufinnaan innah, abelon. Tokkel ifdigga heenih sin maral aceelon. Ahimih gidiyih yoo kee yi marah maaqo aceetto» iyye.

1 Malikwa 5:9 ပူးပေါင်းရင်းမြစ်များ

1 Malikwa 3:12

too atu-faxxem koh aceeyyo. Kas kee bagi-cubbiy sahdayti ahayduma gee weeh, sarra gee wayu-waa koh aceeyyo.

1 Malikwa 4:20

Yuuda kee Israayil mari mangah arrooqih gide akkuk yeneeniih, isinnih elle faxen innal akamukuuy aaqabuk farcaanak yenen.

1 Malikwa 5:10

Tonnal Curam, sariida kee gersi cooxuk faxak suge gideh Suleemanah ruube.

1 Malikwa 5:8

Tohuk lakal Suleeman kaah ruube farmol gacsah iyyemii, «Atu yoh rubte farmo yoo maaddeeh; atu faxxa haytem abuh bical koh an. Sariida kee gersi coox koh ruubeyyo.

1 Malikwa 9:27

Malik Curam isi taamat luk yen maray badal maraakibit elle gexan innih ixxiga lehiyya, too maraakibit Suleeman mara lih taamita'gidih, catoh kaah ruube.

2 Aydaad 1:15

Suleeman dabaanal lakqo kee dahab xeet manga luk teneeh; *sariidâ coox kaadu, mango-koomaami le baaxol tan *sublah innah qadad cabeh yen.

2 Aydaad 2:16

Lubnaan qaleelal yan sariida kee gersi cooxuk atu faxxa haytah gide irgiqqi heenih koh ruuba, axceyyo. Too coox tittat uxuyya heenih damâ-gurral badal akah tamaate innah abelon. Yaffâ-magaala fan badal koh amaatele. Tokkel matarra akah inteenih, tokkeek Yarusalaam fan ku mari beele» 'yaanam raddih kaah ruube.

2 Aydaad 9:22

Gaddaliino kee kasah Malik Suleeman innah yan malik baadal mananna.

Qedra 3:7

Tonna leemiik, Fursi-malikiy Kooris migaq luk yenehiyya Israayil marak «Aba» elle iyye'nnal, Lubnaan rasuk Yaffa deqsitta magaala fan *sariidâ-coox badal baahen. Sarrak too sariidah meklah darooy, qinabak bicsen kamri kee caxâ xaylok bicsen *zeyti (saliid) Suur kee Sayda deqsitta namma magaalal yen mara fan ruuben. Xisne aba mara kee xisnê-coox yaysorooroce marah cawalah lakqo yaceen.

Yacedkel 27:17

Yuuda kee Israayil maray badaaqat abahiyya kaadu, kok beyan duyyet milaaguh, Minnit deqsita rakaakayak baahen kamadi kee malabaay saliid (zeyti) kee dayla koh edde acayuk sugen.