1 Malikwa 5:15 - NABUWWA KEE MALIKWA

¹⁵ Suleeman wohuk kalah kaadu, qaleela mango rasul bacra-tabanih alfih numuy xeet baaxok tayyaaqeh massossahiyya kee, malcina-tabanih alfih numuy woo xeet yakkuqehiyya luk yen.

1 Malikwa 5:15 ပူးပေါင်းရင်းမြစ်များ

2 Samuwel 5:11

Suur malikih yen Curam, doolat-abbobti Dawud fan ruube. Woo mara luk, sariidâ-coox kee, naggaarinnah cooxuk duyye bicsa mara kee, xeet-qarwah-xiso yaaxige mara, Dawuduh malik elle gaca qari xisaana'gidih, ruube. Too mari too qari kaah xise.

1 Aydaad 14:1

Malik Curam deqsita malikiy Suur magaalal malikih yenehiyya doolat abbobti Dawud fan ruube. Woo mara luk, qarwa edde xisan sariidâ-coox kee, xeetik qarwa elle bicsa'nna yaaxige mara kee, cooxuk duyye elle bicsa'nna yaaxige mara kaah ruube. Too mara kaah akah ruubem, kay qari kaah xisaana'gidik ten.

2 Aydaad 2:1

Malik Suleeman, YALLA elle yaqbuden qari xisam faxeeh; isih kaadu elle gaca malik-qari xisam faxe.

2 Aydaad 2:2

Too xisne abaana'gidih, faxxinta duyyeeya xayyoosa marak malcina-tabanih alfih num bical hee. Bacra-tabanih alfih num kaadu qaleela mango rasul xisnê-xeet oraah missoysa'gidih bical hee. Ken taamak amo wagita marak sidiica alfi kee lica boolih num amol keenik hee.

Qedra 2:58

Yallih Qibaadah-Qarit taamah yen mara kee Suleeman-taamat yen marak rade marak tuduurem, tittat sidiica bool kee sagla taban kee namma numuk ten.

Nacmiya 7:57

Suleemanah taamitak yen marih gulubuk yuduure mari akak rade marih migaq ah kaana: Sootay deqsita numuuy, Sofrat deqsita numuuy, Feriida deqsita numuuy, Yaqla deqsita numuuy, Darkon deqsita numuuy, Giddal deqsita numuuy Safatya deqsita numuuy Cattil deqsita numuuy Fokret-Haxxabaayim deqsita num kee Amon deqsita numuk ten.

Nacmiya 7:60

Yallih Qibaadah-Qarih addal diini taamat yen mara , Suleeman buxah addal Suleemanah taamitak yen marih nasabak yuduure mari tittat sidiica bool kee sagla taban kee namma num yekken.

Yoosuwa 19:29

Tokkeek cuduud keenik Raama deqsitta magaala fan makka 'yah Suur deqsitta magaalay gasot maroh tanihiyya fan gufa. Tokkeek kaadu Coosa deqsitta magaala fan makka 'yah Maditraaniyah Badat idiyya 'ya. Maclab kee Akdib kee

Yoosuwa 9:21

Yanoonay immay, boco neh aggile loonuuh, lee kaadu xaanuh neh baahelon» 'yaanam iyyeeniih; tohul malsen.