1 Malikwa 4:30 - NABUWWA KEE MALIKWA

^30-31 Suleeman kulli numuk kasah aysuk yen. Ayrô-mawqat raaqa mara kee Masri mara tekkek, tikki 'ta ummattak inkih kasah aysuk yen. Etan deqsita numuy Qedra deqsita gulubuh yoobokehiyyak kasah aysuk yen. Macol deqsita numih xayloy migaaqah Heeman kee Kalkol kee Dardaq akak axcuk yeneenihiyyak kasah aysuk yen. Woo deraafil enna 'ta baaxooxal kas kee migaq-gexxo le malikik yen.

1 Malikwa 4:30 ပူးပေါင်းရင်းမြစ်များ

1 Malikwa 10:23

Gaddaliino kee kasah Malik Suleeman innah yan malik baadal mananna.

Yacedkel 25:4

Tahat ruffu inteenimih sabbatah, ayrô-mawqa le kabut raqta bacarih tan baaxok yemeete mari baaxo siinik akah yabbixe innah, siinik abeyyo. Too mari isinni duyye luk amaateleeh; dabaaqah sin baaxol nookelon. Isin akme rarten caxâ-miri kenim akkeleeh; isin nake rarten can, sin baaxol, oson nakelon.

Daaniyel 1:20

Malik faxe essero esseraah, waagiseenimik faxem taniimih, a affara num, baab-abeenit kee faal-qiday woo baaxol sugga 'tehiyyak inkih, tabna adda tayse ixxiga luk yenen.

Daaniyel 4:7

Too seecol faal-qidaay baab-abeenitiiy cutuk-beya kee ramli-qidak num raaqe'kal inkih temeete. Too waqdi anu uble soono keenih warseh immay, too soonoh maqna keenik num yoh warisu yeffereh.

Makaabon 6:33

Tohuk lakal Miidiyan kee Qamaalek kee ayrô-mawqa le kabu ten baaxol eneyya 'ya mari inkih tittal gaabowwa 'yeh, Ordon weeqaytuk gacca 'yeenih Yidraqel-Daqaral yinfiddigen.