1 Malikwa 4:28 - NABUWWA KEE MALIKWA

²⁸ Tohuk kalah kaadu, kulli num keenik, gabru deqsitta daro kee darok rade caffak isil tanim, gaari edde beyan faaris kee wohuk kalah tan faroosah maaqoh baahak yenen.

1 Malikwa 4:28 ပူးပေါင်းရင်းမြစ်များ

1 Malikwa 4:27

Usuk rakaakayah abbobtih hee taban kee namma numuk, kulli num faxxinta maaqo edde baaha'gidih, kaal yeexegen alsat maqidda kaah ruubak yen. Kaa kee kay buxah mara kee kay buxal maaqo ukumma haa marah maaqok faxxa haanam oson keenih baahak yenen. Maaqok faxximma 'tam xayyoosak sugen.

Aster 8:10

Mordakay woo yab malik-migaaqal yuskutubeeh, sarrak malik-asta kay migaaqal elle hee. Ta waraakit gabat le mari sissik-faarisiy malik qaril faarisih aben dagget yanihiyyat xoxbisak gexen.

Aster 8:14

Malik elle amrissa hee innal, too waraakit elle ruuben mari malik-buxah-faarisil koori hayya heenih amot akak gacca 'yeenih kaxxam xoxbisak gexen. Too amri kaadu inaytâ-magaalah ten Suusal inkih yontoobbe.

Miika 1:13

Laakis magaalal yan maraw, faarisit gaari xakabaay, edde kuday isillima. Israayil mara abah tublen dambi ken kataatak abteeniih, Yarusalaam mara dambit asissen.