1 Malikwa 3:28 - NABUWWA KEE MALIKWA

²⁸ Israayil mari Suleeman a namma barrah yab elle kure'nna yoobben waqdi, kaxxam kaa yessekexxen. Kaa akah yessekexxeenim, usuk too ayrook lakal, Yalli sahdâ tittin-way missat edde bicsa kas kaah yeceem yeexegeenimi.

1 Malikwa 3:28 ပူးပေါင်းရင်းမြစ်များ

1 Malikwa 10:9

YALLAY ku Dagelta kinni fayla taafay. Yalli isi mara xiinisa malikih koo doore waqdi, kot ruffa iyyem yuybulleeh. Toh akah abem, isi ummatta Israayil kulli way kicnaamih taagah, atu qadli kee cakkit ken xiinissa'gidi» inte.

1 Malikwa 3:27

Tohuk lakal Suleeman annah iyye. «Awka miqidinay naharat yabte barrah acuy; nummah-ina teeti» iyye.

1 Malikwa 4:1

Suleeman inkih tan Israayilik malikih yen.

1 Aydaad 29:24

Doolat abbobti kee qaskar kee kay toobokoh agantah, «Malik Suleeman nek aba axcinnaanim abennooh, kaal mamakna» 'yaanam axcuk xiibiten.

Qedra 7:25

«Qedraw, Yalli koh yecee kasat, Furaat Weeqaytuk Ayrô-culma le kabut Raaqa Rakaakayal Yalla kinni ku Dageltih amri yaaxige marah, cokmaaba kee makaabon isih keenih hay. Yallih xinto intam aaxige waa mara baris.

Yasaqya 28:6

Yab kuraah, cokmaabah yan marah qadaalat kinnim barisele. Magaalâ culma beya gita wagtaah, dacayri edde aba marat niya heelem, YALLAY nabna le.

Daaniyel 1:17

Yalli woo affara numuh falsafat kee kitaabal tunkuttubeemih ixxiga keenih yecee. Toh lih kaadu Yalli Daaniyelih suwaawur kee soonok maqna elle yaaxige'nna kaah yecee.

Daaniyel 2:21

Kulli wakti tamlikem kaa; malik abtaah kaltam Yalla. Kas le marah kas taceem kaa; numuh ixxiga taceem kaa.

Daaniyel 2:47

Tohuk lakal kaadu iyyemii, «Ku Dagelti yallittek naba Dageltaay; malikwâ Malik kinnih; sirrih tanim taybulleem kaa» iyye. «Woh elle aaxigem, sirrih taniimik adda yoh warisseh» kaak iyye.

Daaniyel 5:11

Ku xintoh gubat tan baaxoh addal, *Kudduusuk tan yallitteh roocaaniyya xagarat akak tan num yaniih; ku abba malikih yen saaku, a num tut xayih radiyyaay ixxiga kee yallitte-kas le num kinnim kaak tumbulleh sugte. Ku abbah yen Malik Nabkadnessar, faal-qida kee baab-abeenitiiy cutuk-beya kee ramli-qidak inkih abba kaa abeh suge.

Yoosuwa 4:14

YALLI too saaku abem Israayil marih garil Yoosuwa kaxxa num abte. Oson Muusa assakaxxayuk elle suggu 'yen innal, Yoosuwa assakaxxayuk raaqen.

1 Samuwel 12:18

Tohuk lakal Samuwel YALLA kallaceeh, too ayrot edde YALLI kakkaqo kee rob ruube. Too waqdi ummatta inkih YALLA kee Samuwelik meysitteh.