1 Malikwa 22:8 - NABUWWA KEE MALIKWA

⁸ Acab iyyeemih, «Inki numuy Yimla-Miikayhu deqsitahiyya yani'mmay, usuk kulli way umam akke waytek meqem yoh mayablaay, tonna-leemik kaat mayyu» iyye. Yacoosafat, «Wonnah maxcin, iyyaanam hinnak» kaak iyye.

1 Malikwa 22:8 ပူးပေါင်းရင်းမြစ်များ

1 Malikwa 18:4

Idebal Yallih nabuwwa qidak ten saaku, Qobadya bool nabi beyya heeh namma kontomuh ken kurra heeh gablat yooqore numuk ten. Too nabuwwah makmok maaqabu tokke baahak yen.

1 Malikwa 19:10

«YALLAW! Nabaamak Naba Dageltaw! Anu kulli way ku taamat aniih, koh dibuk taamita. Takkay immay Israayil mari ko'lih hee qahdi makeeh, ku qibaadah arooca yiggiggileenih ku nabuwwa qidak selli heen. Keenik dibuk raqtem yooy; taway yoo kaadu qidaanam faxan» iyye.

1 Malikwa 19:14

Eliyyas too waqdi, «YALLAW! Nabaamak Naba Dageltaw! Anu kulli way ku taamat aniih, koh dibuk taamita. Takkay immay Israayil mari ko'lih hee qahdi makeeh, ku qibaadah arooca yiggiggileenih ku nabuwwa qidak selli heen. Keenik dibuk raqtem yooy; taway yoo kaadu qidaanam faxan» iyye.

1 Malikwa 21:20

Acab, Eliyyas yuble waqdi, «Yi naqboytaw, yoo matarte!» kaak iyye. Eliyyas too waqdi kaal gacsemii, «Koo matreh anih; atu inkitanuuk YALLI niqbaamat asa num tekke.

1 Malikwa 22:13

Oson tohut yanin waqdi, Miikayhu baaha'gidih gexe qaskar-abbah-yen-num kaa geeh kaak iyyeemih, «Nabuwwa inkih malikih meqem tubleh tani'mmayii, atu kaadu oson yubleenim tableemi» kaak iyye.

1 Malikwa 22:18

Too waqdi Malik-Acab Yacoosafatak iyyeemih, « ‹A nabi yoh umaamak sah meqem mayabla› 'yaanam kok maxacciyoo?» kaak iyye.

1 Malikwa 22:27

Keenik intamaa, ‹Malikii, «Amaanah uduurra axcem fanah tama num casbit sugusaay dago maaqo kee leek biso kaah maacina» siinik iyye› keenik inxic» iyye.

1 Malikwa 22:7

Yacoosafat iyyeemih, «Ahak kalah YALLIH nabiy YALLI aba iyyam neh warisa mayanaa?» iyye.

1 Malikwa 22:9

Too waqdi Acab malik buxat taamitak yen qaskariitah secca 'yeh, «Gexay Miikayhu sissikuk ni fanah bah» kaak iyye.

2 Malikwa 9:22

Too waqdi Yooram, «Akah temeetem nagaynaa?» kaak iyye. «Ku ina Idebal qimbisse xeet kee coox yaqbudeenim kee sicri abaanam tanim fan, maa nagayna tan?» kaak iyye.

2 Aydaad 36:16

Takkay immay Yalli ruuba Yallih farmoytiitil asuuluk keenil anqaasakaay Yallih yab maaqilak sugen. Ellecabol YALLIH naqabuy kaxxam gibdihiyya keenil oobeh; kay naqabuk num macattiiminna.

Yasaqya 3:11

Woyyow, uma marat takku waytaama! Umam aba num bayeleeh; kullim kaat aamele. Sinaamal baahem kaal baahelon.

Yasaqya 30:10

Takku waytam sirrih table awliyak, «A sirrih mabuluk raaqa» iyyan. Yallih farmo bahta nabuwwak kaadu, «Hununuh taniimik bagul hayya mahanay, ceetaalissa haay, nanu naabbem elle fanxa innal neh warisa» iyyan.

Yasaqya 49:7

Israayil ummatta wade Dageltay *kudduusuk yanihiyya, sinam intit bura leeh baadal tan ummat niqba numuy abbobtih yan marah naqasu yekkehiyyak iyyamaa: «Amoytit koo tabalu wayta waqdi, aracak ku assakaxxah ugtele. Baaxoh abbobti koo table way gomboh radele. Ta mari ta assakaxxiyya akah abu waam, YALLAY digga lehiyya isi farmoytah koo dooreemih sabbata. Yeey, ta mari ta assakaxxiyya akah abu waam, Israayil doore Dageltay kudduusuk yani isi farmoytah koo dooreemih sabbata» iyya.

Ermiyaas 18:18

Too waqdi ta mari iyyeemih, «Ermiyaasak tuk teena abnam nel tan. Nek faxxintaah nel tanim neh warissa seeka taniih, kasloytiitiy fayu neh yacee kaadu linoh. Yallih farmo neh warissaamak kaadu nabuwwa tanik, Ermiyaas tiyak tuk teena innaama. Usuk axcinnaanim aabbe waynaama» iyyen.

Ermiyaas 20:10

Sinam tutuc axcih aabbe. ‹Kulli-ikkel-cunxo-qidek, a num doolat abbobtih warisnay› 'yaanam axcih ken aabbe. Yi kataysis aylahu yok wagitta. ‹Ayrok teena aylahissa kaa hayneh kaa abbixennooh cane kaal gacsenno› iyyan.

Ermiyaas 36:23

Sarrak Yahuudi a warkatak exxak teenak kawsak gaba kale waqdi, woo exxay kawsehiyya gabak kaak beeh gilet irgiqqi heeh, laqsitak suge girah addat qide. Inkih tan warkatay kutbe elle tanihiyyak kawsak gaba akak kalinnaan gali gabah addak kaak beyak, inkih tan warkat selli haam fan girat qidak suge.

Ermiyaas 38:4

Sarrak doolatak saqoltih yan mari malikik iyyeemih, «A num edde yaaba yab qaskar kee ummatak inkih niya yaggile yaaba. Ummatah umam akke waytek, keenih maqaane faxa numuk tanih matan. Ah iyyeemih rabi kaal yamaate» iyyen.

Qaamus 5:10

«Cokmi maroh addal, ceele-wayti yassacakke mara tanqibeeniih, nummat yaaba mara tablen waqdi sakkittaanah!

Miika 2:11

A mari faxam dirab keenil yecee nabiy ken duquurusa. ‹Qinabak bicsen kamri kee kamri darah innah siinih caxitele› keenik iyya nabi faxan» 'yaanam siinil gacse.

Miika 2:7

«YALLIH sabri gaba kalem maay takkalee? Annah tanim abelem mannal kot celta?» 'yaanam yok iyyan. Yaqkuubuk rade mara kinnino iyya maraw, annah tanim intaanam mafaxxinta. Yalli tohuk siinik iyyeemih, «Cakkik tanim aba marak meqem axce.

Zakariyya 11:8

Sidooca duweenay yoo niqba yeneeh; sarra ken faxe cineeh, inki alsih addat wokkek ken xiiriyeh.