1 Malikwa 22:25 - NABUWWA KEE MALIKWA

²⁵ Miikayhu kaal gacseemih, «Qarik darrê golit sasoh cultu wayta saaku, wohim aaxigetto» kaak iyye.

1 Malikwa 22:25 ပူးပေါင်းရင်းမြစ်များ

1 Malikwa 20:30

Wohuk raaqe mari Afeek-magaala fan kudeeh; tokkel labaatanna kee malcina alfih qaskariital, magaalat maroh sugte gaso raddeeh edde raben. Banihadad kaadu woo magaala fan kudeeh qarik darrê golit yombooqore.

1 Malikwa 22:26

Tohuk lakal Malik Acab isi qaskarih abbak iyyemii, «Miikayhu uxuyay magaalâ-xintoh abbah-yan-Amon kee malik-baxa-Yooqas fan kaa bey.

2 Malikwa 9:2

Wokke gufta waqdi, Yaahu deqsita num gorris. Yaahu, Yacoosafat deqsita numih baxak taniih, Nimsi deqsita numuk kaadu baxi baxak tan. Kaa geyta waqdi, kataysiisik kaa baxissa haay, dibuk yan qari kaa bey.

Ermiyaas 23:15

Tohuk gexxaamah yoo YALLAY Nabaamak Nabahiyya Yarusalaamal yan maray nabuwwa kinnino iyyak axcemii: ‹Qeero le maaqo sin askameyyooh, summik tan leek sin afqeyyo. Sin umaanek gexxaamah diini maleela baaxol temeggeh. Sin umaanek gexxaamah Yallih meysi sinni mari baaxo kibeh› axce.

Ermiyaas 29:32

Tonna'mmay Samaqya kee kaak radda 'ye marat raq sinni digaala abeyyo. Tahaysa kaa kee kaak rade mara matablan. Anu inni marah abu waa maqaanet magarayan. Yi yab cina mara sin abe'mmay, tohih sabbatah tamah kaal baahu waama. Tahat yabtam yoo YALLA› keenik inxic» yok iyye.

Ermiyaas 32:8

Sarrak YALLI akah inxicca iyye'nnah, Sallúm-Canamiil casbit elle an malik qarih daarat yol yemeeteeh, ‹Yi qammih baxaw, Qanatot deqsita aracal liyo buqrê-baaxo xaamam faxak, atu yok xaamit. Cakkih kol tanik› yok iyye. Too waqdi tah YALLIH yab kinnim eexegeeh,

Qaamus 7:17

YALLI kok iyyem koh warisu waa. ‹Barra kok a magaalal xiiqareh-xiina akkele. Xalte xaylo carbit kok rabele. Ikoytah lito baaxo qaduwwi kok kureenih keefelon. Atu kaadu diini-maleelah yan marih baaxol rabetto. Israayil marah tu gactek, carbit xabba ken heenih seewah ken beelon› 'yaanam iyye» kaak iyye.