1 Malikwa 22:15 - NABUWWA KEE MALIKWA

¹⁵ Sarrak malik-Acab fan yemeete waqdi, Malik-Acab kaak iyyemii, «Miikayhuw, yoo kee Malik-Yacoosafat Raamot-magaalat qeebi abna'gidih gaadnu innaa, magaadnuuh?» kaak iyye. Miikayhu iyyeemih, «Gexay ken gaada. Keenik aysettoonuuh; YALLI nasri siinih aceele» kaak iyye.

1 Malikwa 22:15 ပူးပေါင်းရင်းမြစ်များ

1 Malikwa 18:27

Dohri yekke waqdi, Eliyyas keenil anqaaseh iyyemii, «Aykee sin yalli xayuk yaabbeh mayanak, dooqah anay fayya hayteenih abe wayten. Sin yalli away cisaabat aniiy, taamah agxeh aniiy, safarah rikek teena gexe yekke kaa tekkek, anay fayya kaah haa. Inaaqat yanim takkehik, kaadu kaa ugusa» axcuk, anqaasah ken lih yaabe.

1 Malikwa 22:12

Raqqa 'te nabuwway wokkel sugga 'tehiyya usuk iyyem inteeh, «Gexay Raamot magaalat qeebi ab, aysettok. YALLI nasri koh aceele» iyyen.

1 Malikwa 22:16

Acab essero kaat qagseeh, «YALLI iyyeemit yo'lih yabta waqdi, ‹Nummat yo'lih yab› kok exceh mananniyoo? Nummat macah yo'lih yaabe wayta?» kaak iyye.

1 Malikwa 4:13

Geber-baxi abbah akak yenem, Gilqad rasul tan magaalay Raamot deqsita kee, Yaaqir-gulubuy Manassek radehiyyah mandarway Gilqad-rasul enni 'ta kee, Basan-rasuk Argob deqsita aracal geytimta lactam takke magaaloolik ten. Too lactam magaala inkih gasoosa maroh edde teneeh; gasoosah alfentah nacaasak bicsen biriita luk ten.

2 Malikwa 3:13

Eliisaq fan yemeeten waqdi, Israayil-malikik iyyemii, «Anu koo macatak, gexay; ku ina kee ku abba fayu elle esserak ten nabuwwa fan gex» iyye. Too waqdi Yooram kaak iyyemii, «Nakke sidiica malikik Mooyab-malikih gubat nee qiddem YALLA» iyye.

2 Aydaad 18:14

Sarra Malik-Acab fan yemeete waqdi, Malik-Acab kaak iyyemii, «Miikayhuw, yoo kee Malik-Yacoosafat Raamot-magaala qeebi abna'gidih gaadnu innaa, magaadnuuh?» kaak iyye. Miikayhu iyyeemih, «Gexay ken gaada. Keenik aysettoonuuh nasri geetton» kaak iyye.

Ermiyaas 37:17

Ayrok teena Malik-Xidkiya isi buxa kaa baaha iyyeeh, tokkel dibuk tani'kkel, «YALLAK temeete farmoh maca tan?» kaak iyye. Ermiyaas kaak iyyeemih, «Farmo tanih. Koo Baabelon malikih gabal heelon» kaak iyye.

Yacedkel 13:6

Oson ‹Nubleh› iyyan wacyi, dirab wacyi. ‹Akkele› iyyaanam, takku waytam hinna. ‹Siinih warisnam, YALLIH farmo› siinik iyyan. Toh keenik diraabaay; siinih warsaanam yi farmo hinna. Isinni amok yeyyeeqen yab akkelem keenit celta.

Makaabon 10:14

isin isinnih dooritten duyyeeyay taqbudeenihiyyal weeqa. Gadaama sin tabbixe way too duyyey taqbudeenihiyya sin cattay» keenik iyye.