1 Malikwa 21:27 - NABUWWA KEE MALIKWA

²⁷ Eliyyas yaabak gaba kale waqdi, Acab sara isik qanxiseh baaxot qideeh, sartanah *qabuddat gace. Maaqo cineeh xiinih qabuddal gace. Tohuk wadir fooci kaak dattowwa 'yeh cisabbootak gexe.

1 Malikwa 21:27 ပူးပေါင်းရင်းမြစ်များ

2 Samuwel 3:31

Tohuk lakal Dawud Yowab kee raqqa 'ye maray kaa'lih sugehiyyak, «Sara isinnik qanxisaay qabuudut gacaay Abner rabah rookita» iyye. Too saaku Malik Dawud isih ginaadak lakat gacca 'yeh gexe.

1 Malikwa 21:28

Tohuk lakal YALLIH qangara Eliyyasal obteeh; YALLI kaak iyyeemih,

2 Malikwa 18:37

Sarrak Elaakim kee Sebna kee Yowac aben rookah sara isinnik qanxiseenih Assuuriyah-qaskar-abbah-yan-num keenik iyyem malikih warsen.

2 Malikwa 19:1

Malik-Ciskiyyaahu a yab akah yoobbe innaak, sara isik qanxiseeh sartanah *qabuddat gacca 'yeh YALLIH Qibaadah-Qari gexe.

2 Malikwa 6:30

Malik ah yoobbe waqdi, niya kaak tiddigilleh sara isik qanxiseh. Magaalat maroh tan gasoh garil yan mari malik xagaral le sartanak guba *qabudda haah kaa yublen.

1 Aydaad 21:16

Dawud YALLIH malaykattuy qaran kee baaxok fanat gabat seef luk soolahiyya yuble. Malaykatti too waqdi Yarusalaam magaala baysam faxak yen. Dawud a malaykattu yuble waqdi, kaa kee Israayil makaabon xagaral *qabuudut gacca 'yeenih baaxok bagul qansa baaxo keenik xagtam fanah gommoh raden.

Yasaqya 22:12

Too ayro YALLAY Dagelta kinnih, Nabaamak Nabahiyya iyyemii, «Weeqaay boogisa. Amo isinnik moolaay sartanah *qabuddat gaca» 'yaanam siinik iyye.

Yasaqya 38:15

‹Axcem mayyu abam mayyu› 'yaanam inni-afqadol exce. «Aham inkih Yallih fayxiiy Yallih amrik yot tekke› exce. Qaadeh bagi yok ankayeh; ah yot tekkeemih sabbatah, anu addunyal anim fanah rammitta axcuk xiiniseyyo.

Ermiyaas 36:24

Kay doolatak saqoltih yan maray ta yab yoobbehiyya kaadu mawariggitinna. Hinnay kaadu, «Umam net takku waytah tan!» 'yaanam maxacinnon.

Ayyuqel 1:13

Hay tonnal, isin seekay sadgat elle aban aracih foocal taamittahiyyak, *qabuudut gacca 'xicay rookita. YALLIH Qibaadah-Qarih addal inkih yan bar rookitak xiina. Ahaysa Yallih sadgatah baahak tenen daro kee kamri gaba kaleh.

Yoonas 3:10

Yalli oson uma taamak raaqeenim keenik yubleh. Tohuk gexxaamah keenit abeyyo iyyeh suge digaalak raaqeeh, ken madigaalinna.

Yoonas 3:6

Nanawê magaalah malik aham yoobbe waqdi, elle suge dardaarinni korsih baguk uguttu 'yeh, edde suge ibak gulub maada kameesik katta 'yeh, *qabuddat gacca 'yeh gombod addat daffee.