1 Malikwa 21:26 - NABUWWA KEE MALIKWA

²⁶ YALLI Israayil-marih-foocal baaxok keenih yeyyeeqeh yen Amoorah marak kaxxih, Acab, Yallih aftok xeet kee cooxuk sahda bicisse duyyeh qibaadat gaceeh; toh kaxxam qaybik taniimik ten.

1 Malikwa 21:26 ပူးပေါင်းရင်းမြစ်များ

1 Malikwa 15:12

Xiiqareh-xiinak lab-maray coox-kee-xeet elle yaqbuden aroocal sugehiyya wokkek xiiriyeeh; kaak duma suge mari heeh suge gabak bicsen duyyey aqbuduk sugeenihiyya bayseh.

1 Malikwa 18:18

Eliyyas too waqdi kaal gacsemii, «Umaane keenil oobissem, yoo hinnay; umaane keenil oobissem, koo kee ku abba. Isin YALLIH amri cineeh Yalla akke sinni Baqal yuqbude mara kinniton.

2 Malikwa 16:3

Duma sugte Israayil amoytiitik kaxxih, Yalli niqbam abak suge. Ayrok teena Acad girat isi baxa sadgatah qide. Usuk woh akah abem, Israayil-mari yamaateemik naharal woo baaxol suge maray YALLI yeyyeeqehiyyak raaqisen umâ-yabulih-tan qaadah gabbaaqiyyak ten.

2 Malikwa 17:12

kay kitaabay, «Yallak kalihim maqbudina» keenik iyyah yab cineenih.

2 Malikwa 21:11

«Yuudâ-malikih yan Manasse gacca 'ta taamay Kanqaan mari abeemik kaxxam lafittahiyya abeeh; Yallih-aftok yaqbude duyyet, Yuudâ-mara kaadu Yalla-maleela edde gexxa gitat bee.

2 Malikwa 21:2

Manasse, Israayil-mari yamaateenik naharal woo baaxol suge maray YALLI yeyyeeqehiyya edde asak sugen umâ-yabulih-tan-taama kataateeh, YALLAL dambi lem baahe.

2 Aydaad 15:8

Aasa a nabi edde yaabe yab yoobbe waqdi, niya kaat gacteeh; tonna-leemiik Efrayim rasuk qaleela le aracal tan magaalooliy qeebit yibbixe kee, Yuuda kee Benyam rasul sugga 'te duyyeeyay gabak bicissa heenih aqbuduk sugeenihiyya wonnah baaxot qide. Sarrak YALLIH Qibaadah-Qarih daaratal suge mansafay YALLIH sadgatah saqa elle asguuduk sugeenihiyya yuqusbuuse.

2 Aydaad 33:2

Manasse, Israayil-mari yamaateemik naharal woo baaxol suge maray YALLI yeyyeeqehiyya edde asak sugen umâ-yabulih-tan-taama kataateeh; YALLAL dambi lem baahe.

2 Aydaad 33:9

Takkay immay Manasse, Yuudâ mara, duma woo baaxol suge maray YALLI ken taagah woo baaxok yeyyeeqehiyya abak sugen dambik lafita dambit ken asise.

2 Aydaad 36:14

Tohuk kalah kaadu, Yuudah abbobti kee seekah abbobti Yalla cinna hayteh, cuggaaneh keenik yan mari edde ase umâ-yabulih-tan-taama inkih kataateeniih, xeet kee cooxuk bicsen duyyeeyah qibaadat gacen. YALLI isih taahir abe Qibaadah-Qari nadaasa aben.

Yasaqya 65:4

Bar gablah addat xiinaanaah; kabaarah amol dooqa aban. Ceray cado adoobitaanaah; nadaasa leh yan marákak yaaquben; 'kak adoobitan. Inkih tan ayroy dudda le ‹Yol ama› axcuk namma gaba keenih fidseh, ‹Yol ama› exce.

Ermiyaas 16:18

Oson aban uma-taama kee dambil namma addah taduure digaalah ken digaaleyyo. Macaay inteenik, baaxol yok umâ-yabulih-tan-duyyey rooci sinnihiyyat wasak aben. Woo duyye yalla axcuk yaqbuden» iyye.

Ermiyaas 44:4

Fiiruk geerah inni nabuwway yoo takdumehiyya ken fanah ruubeeh; too nabuwwa, Taham Yalli niqba taama'mmay maabina, 'yaanam axcuk keenih warisak sugte.

Yacedkel 16:47

Atu kaadu ken raat katatteeh; oson abak sugen uma taamat asse. Atu uma taama qimbissem qusba saaku'mmay, keeniy dumaak abak sugehiyyak lafissa hayte.

Yacedkel 18:12

masaakiina yudlumeeh, sahda buubeeh, abuuduh tu kaak bee num damaanatah kaal cabem gacse weeh, gabat bicsen duyyey Yalla 'yeenih yaqbudeenihiyyah qibaadah heen arooca gexeeh, duyye yuqbudeeh,

Yoosuwa 23:9

YALLI isin bisoh gutuqak elle gexxaanamal, kaxxam nabaah qande le doolatwa baaxok yeyyeeqe. Num siinit makoysitinna.