1 Malikwa 21:20 - NABUWWA KEE MALIKWA

²⁰ Acab, Eliyyas yuble waqdi, «Yi naqboytaw, yoo matarte!» kaak iyye. Eliyyas too waqdi kaal gacsemii, «Koo matreh anih; atu inkitanuuk YALLI niqbaamat asa num tekke.

1 Malikwa 21:20 ပူးပေါင်းရင်းမြစ်များ

2 Samuwel 11:27

Rookak gaba kalte waqdi, Dawud, «Yi qari am» 'yaanamih farmo teetih ruube. Sarrak digibih tet abiteeh, lab-baxa kaah xalte. Takkay immay YALLI Dawud abem yinqibeh.

1 Malikwa 16:30

Usuk kaadu YALLIH garil dambi le taamat asak sugeeh, kaak naharat sugte amoytittek inkih lafita dambi abak suge.

1 Malikwa 18:17

Acab kaat radda 'ye waqdi, «Ah koo innaa? Israayilil umaaneh akak abaanam yeegemen numow» kaak iyye.

1 Malikwa 21:25

YALLIH garil, ahayduma Acab gide YALLI niqbaamat ase num mananna. Tohut inkih kaa asissem, nikaacat luk yen kay barrak ten. Tet migaq Idebalak ten.

1 Malikwa 22:8

Acab iyyeemih, «Inki numuy Yimla-Miikayhu deqsitahiyya yani'mmay, usuk kulli way umam akke waytek meqem yoh mayablaay, tonna-leemik kaat mayyu» iyye. Yacoosafat, «Wonnah maxcin, iyyaanam hinnak» kaak iyye.

2 Malikwa 17:17

Too duyyey yaqbudeenihiyyah isinni xaylok labim kee sayim girat sadgatah qidaanam baahen. Kalluwalle kee ramli qida maral fayu esseren. YALLIH garil dambik loowintaamat aseeniih, YALLAT naqabu ugsen.

2 Malikwa 21:2

Manasse, Israayil-mari yamaateenik naharal woo baaxol suge maray YALLI yeyyeeqehiyya edde asak sugen umâ-yabulih-tan-taama kataateeh, YALLAL dambi lem baahe.

2 Aydaad 18:17

Too waqdi Malik-Acab Yacoosafatak iyyeemih, « ‹A nabi yoh umaamak sah meqem mayabla› 'yaanam kok maxacciyoo?» kaak iyye.

2 Aydaad 18:7

Acab iyyeemih, «Inki numuy Yimlá-Miikayhu deqsitahiyya yani'mmay, usuk kulli way umam akke waytek meqem yoh mayablaay; tonna-leemiik kaat mayyu» iyye. Yacoosafat, «Wonnah maxcin, iyyaanam hinnak» kaak iyye.

2 Aydaad 33:6

Girat isi lab-xaylo sadgatah Hinnom-Goloh addal qide. Ramli qidiyya kee sicri taamah haysiteeh, ginnili kee kalluwallel takku-waytam essere. YALLAL kaxxa dambi lem baaheeh; YALLIH naqbi kay sabbatah lafitak lafte.

Yasaqya 50:1

YALLI iyyamaa, «Num gennaaqô-barra cabah elle xiiriya innal, sin maxiiriyinniyo. Sin xiiriyem teexegeenik, sin elle xiiriye sumaq-warkat baaha. Keenit tan magoh sabbatah isi xaylo xaama marih innah, sinaamal sin xaamem maay takkalen? Tonna hinna'mmay, sin akah xaamem, isinnih abten dambi. Ina siinik akah xiiriyem, edde assen umaane.

Yasaqya 52:3

Macaay inteenik, YALLI iyyaama, «Naqoosa tekken saaku, siinih lakqo mahannoonuuy; a saaku kaadu currih tawqeeni'gidih, yagdiyen lakqo matan» 'yaanam iyyah yan.

Ermiyaas 38:4

Sarrak doolatak saqoltih yan mari malikik iyyeemih, «A num edde yaaba yab qaskar kee ummatak inkih niya yaggile yaaba. Ummatah umam akke waytek, keenih maqaane faxa numuk tanih matan. Ah iyyeemih rabi kaal yamaate» iyyen.

Yacedkel 14:4

«Taway anu keenik axcem keenih waris. Intaamah: ‹YALLAY Mulki lehiyya siinik iyyaamah: Faxe Israayiliiti isi kalbit gabat bicsen duyyeh qibaadat yufkuneeh; too duyyey dambi lem xalta isi misinkacal hayyaay, wadir nabil fayuh yemeetek, tohul yok geyoonu waan raddi keenih waris. Too gabat bicsen duyyey yaqbudeeni manga takkeh gide, umaanek keenil baaheyyom keenih waris.

Qaamus 5:10

«Cokmi maroh addal, ceele-wayti yassacakke mara tanqibeeniih, nummat yaaba mara tablen waqdi sakkittaanah!