1 Malikwa 21:13 - NABUWWA KEE MALIKWA

¹³ Too waqdi woo baabuurute namma num amma 'teh sahda foocal, «Nabot Yalla kee malik abaare» axcuk kaal waden. Sarrak magaalak afah kaa beyya heenih, xeetit kaa qiden.

1 Malikwa 21:13 ပူးပေါင်းရင်းမြစ်များ

1 Malikwa 21:14

Too waqdi Nabot rabeemih farmo Idebalah ruuben.

2 Malikwa 6:32

Sarrak Eliisaq baahu waa mara ruuba. Toh tekke waqdi Eliisaq, kaal temeete idoola lih isi buxal daffeyak yen. Malik ruube mari gufe'kal yan waqdi, Eliisaq woo idoolak, «Woo biileeni yoo qidu waa num ruubeh yan. Usuk akke yamaate waqdi, qari-afa alifay cule kaa kala. Malik kaadu kaak darret yan» iyye.

2 Malikwa 9:26

‹Kimal Nabot kee kay xayloh raba ubleh immay koo kaadu too baaxol digaaleyyo› kaak iyyem hawwentaa?» iyye. «Hay, toh kassittek, Yooram-ginaada beyay, YALLI akah iyyem takke'gidih, Nabot-buqreh-baaxot qid» 'yaanam isi catottah numuy Bidkar deqsitahiyyak iyye.

2 Aydaad 24:21

Malik Yooqas edde anuk, ta seekik aboonu waanamal malissa heeniih; tohuk wadir malik «Kaa qida» 'yaanamih amri yecee. Too mari YALLIH Qibaadah Qarih daaratal kaa qiden.

Yasaqya 8:21

Niya akak tiddigilleeh qululte ummatta baaxot meekitele. Qulul ken yabbaxu waa waqdi bagcarriteloonuuh isinni malik kee Yalla xaafelon. Qaran gubaak wagga heeloonuuh

Qaamus 7:10

Too waqdi Beetal magaalal kaxxa seekih yen Amaxya deqsita num, Israayil malikiy Yarobqam deqsitahiyyah farmo ruube. Farmoh kaah ruubemii, «Qaamus akak iyyan num Israayil marih addat gacca 'yeh, kok abu waamih malat yan. Kay yaabat ummat aylahitta 'teh baaxo baatam faxxa.

Malaaki 3:5

YALLAY Nabaamak Nabahiyya iyyeemih, «Anu sin mekla'gidih sin adda amaateyyo. Amaate saaku baab abaah, dalwa abaah, diraabah sumaaqitaah, taamâ-marah cawal kalitaah, gubun kee qayxiixaa kee allî-baaxoh maray ken addal yanit xukkuta maral inkih ackumeyyo. Too mari inkih, yok meysite waa mara.