1 Malikwa 20:32 - NABUWWA KEE MALIKWA

³² Too akah iyyen innah, qabuudu axcat uxuyyaay fillat akoota isinnik hayya heenih, malik-Acab fan gexeeniih kaak iyyeenimii, «Ku-naqsi-Banihadad koo kallacah yaniih, ‹Ahaysa anay yoo 'xicay yoo maqidin› 'yaanam kok iyyah yan» kaak iyyen. Malik Acab, «Usuk uxih yanii? Usuk yi toobokoyta» keenik iyye.

1 Malikwa 20:32 ပူးပေါင်းရင်းမြစ်များ

1 Malikwa 20:31

Too waqdi kay qaskarih-abbobti kaal gexxeh kaak intemii, «Israayil-mari-le-malikwa racmatta le 'yaanam noobbeh nanik, *qabuudu axcal ninnik uxuyyaay akoota ninnik fillat uxuyya hayneh, Israayil-malikil genxa'gidih idni neh ucuy; tonnal koo qide waam takkehik» kaak iyyen.

1 Malikwa 20:33

Banihadad-qaskarih-abbobti meqe qangara Acab afak raddam wagitak sugeeniih, usuk toh inxicca 'ye waqdi, ta qangara kaak yossokooteeniih, «Nummah ku toobokoyta kinnih» iyyen. Sarrak Acab, «Gexay yol kaa baahay» keenik iyye. Banihadad yemeete waqdi, is lih faras gaaril kaa hee.

1 Malikwa 20:42

Sarrak woo nabi kaak iyyemii, «YALLI kok iyyamaa, ‹Atuu, anu raba akak faxa num yasillimay inteeh; tonna-leemik kay roocit isi rooci meklah aceettooh; kay marih roocit ku marih rooci meklele› kok iyyah yan» kaak iyye.

2 Malikwa 10:5

Tonna-leemiik malik-gasoh-abbaay magaalâ-xintoh-abbaay makaabon kee malikik-rade-marat dacayrih yen marak inkih, titta geyya heenih farmo kaah ruuben. Iyyeenimii, «Nanu ku taamat gaca mara kinninooh, atu aba axcinnaanim abnuh bical nan. Nanu malikih num mahaynak, atu taysem kot ceelinnaanim ab» 'yaanam farmoh kaah ruuben.

Yasaqya 10:12

Tonna-leemiik, Yalli Siyon-qale kee Yarusalaamal abah yaniimik gaba kalu waa saaku, Assuuriyah malik abah yan tirtiraay leh yan kaxxiina kee hidak gexxaamah kaa digaalele.