1 Malikwa 20:22 - NABUWWA KEE MALIKWA

²² Tohuk lakal nabi, malik-Acabal gexeeh kaak iyyemii, «Gexay uduuray qaskar nagay ugusaay, abinnaan mala cubbil aba. Woh akah axcem, yamaate sanat sugumuh addat Malik-Banihadad nammeyhaak qeebi siinit aba'gidih amaatele» iyye.

1 Malikwa 20:22 ပူးပေါင်းရင်းမြစ်များ

2 Samuwel 11:1

Ciggiila sugum adday dardorti xeflih qeebih edde gexxahiyyat, Dawud, Yowab kee kalah tan qaskar abbobti kee Israayil qaskar qeebih ruube. Oson Qammon maral umam baaheenih, qaskarak qeebih yeyseeniih; Rabbay inaytâ-magaalah keenik tenehiyya maraasiyya heenih yabbixeenim faxen. Dawud isih magexinnay, Yarusalaam magaalal elle raaqe.

1 Malikwa 19:10

«YALLAW! Nabaamak Naba Dageltaw! Anu kulli way ku taamat aniih, koh dibuk taamita. Takkay immay Israayil mari ko'lih hee qahdi makeeh, ku qibaadah arooca yiggiggileenih ku nabuwwa qidak selli heen. Keenik dibuk raqtem yooy; taway yoo kaadu qidaanam faxan» iyye.

1 Malikwa 20:13

Oson tohut yanin waqdi, malik-Acabal nabi yemeeteeh kaak iyyemii, «YALLI, ‹Ama kaxxa qaskar tablee! A saaku tama qaskarak koo aysiiseyyooh; too waqdi YALLA kinniyom yok aaxigetto› kok iyyah yan» kaak iyye.

1 Malikwa 20:21

Takkay immay Malik-Acab raaqe-marat qeebi abeeh, faaris kee gaariira keenik bukkuseh. Suuriyah-marat kaxxa baati abe.

1 Malikwa 20:26

Dabaybah addat Malik-Banihadad isi marah seeceeh; Israayilit qeebi aba'gidih, Afeek-magaala fan gabat ken luk gexe.

1 Malikwa 20:38

Woo nabi too waqdi fooca edde qellisa'gidih, foocat saro isik makka heeh gexe. Israayil-malik tatram fanah usuk akak tabu waa gitih afal gace.

1 Malikwa 22:8

Acab iyyeemih, «Inki numuy Yimla-Miikayhu deqsitahiyya yani'mmay, usuk kulli way umam akke waytek meqem yoh mayablaay, tonna-leemik kaat mayyu» iyye. Yacoosafat, «Wonnah maxcin, iyyaanam hinnak» kaak iyye.

2 Malikwa 6:12

Keenik numuk teeni, «Yi malikow, woo numih qaxa num nek mayana'mmay, nabi Eliisaq atu isi buxah addal kinni way sirrih yabta yab Israayil-malikih warsa» iyye.

1 Aydaad 20:1

Ciggiila sugumih adday dardorti xeflih qeebih edde gexxahiyyat Yowab qaskarak foocat gacca 'yeh Qammon marih rasuh gaaduh gexeeh yibbixeh. Too gaaduh Malik Dawud magexinnaay, Yarusalaamal elle raaqe. Yowab abbah akak yan qaskar, Rabba deqsitta magaalay keenik inaytâ-magaalah tenehiyyat maro heeniih; sarrak tet yibbixeeniih tet bayseenih.

2 Aydaad 25:11

Sarrak Amaxya niya gacissa heeh, isi qaskarak foocat gacca 'yeh Qasbo le Golo deqsita arac fan ken been. Tokkel qeebi abeeniih, too saaku Edom qaskarak tabna alfih num qiden.

2 Aydaad 25:8

A mari carbil kaxxam koh xiqeloonum takkale koo immay, nasri koh teceeh qeebil naqboytak koo taysiisem, Yalla ikkal, a mara hinna. A mari sin lih gexek, Yalli naqboytit siinik aysiisele» kaak iyye.

Yasaqya 26:11

YALLAW, isi-gaba ugusse'mmay, toh mayablan; edde maradan. Isi marah lito kacanu, ableloonuh; wacarriyelon. Koo niqbam girat ambaxele.

Yasaqya 42:8

Yalli kaadu tonnah iyyemii; «Anu YALLA kinniyo; YALLI yi migaaqa. Inni nabna faxinnaanimit tabsa Dagelta hinniyo; Innih liyo fayla xeet kee cooxuk bicissa heenimiy yaqbudeenihiyyah yacee Dagelta hinniyo.

Yasaqya 8:9

Isin baadal tan ummatey, titta lih gaca'mmay baysetton. Baaxok xer ikkel yan maraw, ankacisa! Qeebih bical gaca'mmay baysettoonuuh, finqitetton.