1 Malikwa 20:21 - NABUWWA KEE MALIKWA

²¹ Takkay immay Malik-Acab raaqe-marat qeebi abeeh, faaris kee gaariira keenik bukkuseh. Suuriyah-marat kaxxa baati abe.

1 Malikwa 20:21 ပူးပေါင်းရင်းမြစ်များ

1 Malikwa 20:20

Furraynah ten qaskarak kulli numuuy isih lih yoome num qide. Sarrak Suuriyah-mari kudeh, Israayil-qaskar lakak ken yeyreddeeniih; Banihadad too waqdi farasat koreh yisillime. Faariisah amot yan gersi mari kaadu kaa lih gexe.

1 Malikwa 20:22

Tohuk lakal nabi, malik-Acabal gexeeh kaak iyyemii, «Gexay uduuray qaskar nagay ugusaay, abinnaan mala cubbil aba. Woh akah axcem, yamaate sanat sugumuh addat Malik-Banihadad nammeyhaak qeebi siinit aba'gidih amaatele» iyye.

2 Malikwa 3:18

Eliisaq toh lih kaadu keenik iyyemii, «YALLAL ahamih abto kaxxam hinnaay, kalah kaadu Mooyab marak qeebil sin aysiisele.

2 Malikwa 3:24

Takkay immay ken arac gufen waqdi, Israayil mari qeebi keenit abeeh, wadirih ken gacseh, lakak ken ayradduk sahda keenik qideeniih,

Yoosuwa 10:20

Dago maray isinni magaaloolik gasoosa fanah wadbitehiyyak kalih mara Yoosuwa kee kay qaskar selli hayte.

Makaabon 11:33

Qarooqerik xabba haanamaay Aabil-Karaamimih amma 'yaanam fan, Minnit deqsita rakaakayih dariifal enna 'ta baaxooxa kee, wohiital tan labaatanni magaala fan, aagaruk ken baahe. Tokkel Israayil-mari bakka ken heeh keenik yeyse.

Makaabon 3:28

Keenik iyyeemih, «YALLI Mooyab marak qeebil sin yaysiisu waah yani'mmay yoo kataya» iyye. Kaa katayeeniih, Mooyab mari Ordon weeqaytuuk gacca 'yeenih akak tabe raaren arac keenik yibbixen. Tokkel suggu 'yeenih num keenik tabe kalen.

1 Samuwel 17:52

Israayil kee Yuudâ-mariiy deero abak lakat keenik arduk, Gat deqsitta magaalah culmeyna kee Ekron deqsitta magaalah culmeyna guffa haanam fan ken yeyredden. Filistiin-mari Saqrayimik Gat kee Ekron fan gexa gital tinnikissem kee madallah raqtem yekken.

1 Samuwel 19:8

Qeebi kaadu qagteeh; too waqdi Dawud carbi-booxa fan gexe. Tokkel Dawud Filistiin marat kaxxa qeebiy edde kudaanahiyya, keenit abe.