1 Malikwa 20:15 - NABUWWA KEE MALIKWA

¹⁵ Too waqdi malik-Acab, woo rakaakayitteh-abbobtih amrih gubat ten furraynah ten qaskaray mangah namma bool kee soddom kee nammay akkuk tenehiyyah seeco abe. Sarrak inkih tan Israayilik malcina alfi qaskariitah seeco abe.

1 Malikwa 20:15 ပူးပေါင်းရင်းမြစ်များ

1 Malikwa 19:18

Takkay immay yol imaan luk sugeeh, Baqal-akak-iyyaanamah-qibaada elle abaana'gidih gabak bicsen duyyeeyah gommoh rade weeh, woo ceelo fugute wee maray malcina alfih num yakkehiyya rooci luk ken cabeyyo» iyye.

1 Malikwa 20:14

Acab too waqdi, «Qeebi foocat iyyi gacele?» iyye. Nabi kaak iyyemii, «YALLI kok iyyamaa, ‹Rakaakay-abbobtih amrih gubat ten furraynah-ten-qaskar qeebi miraacisele› kok iyyah yan» kaak iyye. Malik Acab, «Qeebi qimbisaanamih amri tacayu waytam iyyaay?» iyye. Nabi, «Atu aceetto» iyye.

1 Malikwa 20:16

Acab kee kay macaxu carra qeebih temeete waqdi, Banihadad kee kay catoh temeete soddom kee nammay takke baaxoh abbobti isi sirooqah addat tiskireh keenih sugte.

2 Malikwa 13:7

Yowaahad qaskarak raqtem dibuk kontom qaskariitay faras amok qeebi aba kee, tabna gaariy faaris beyahiyya kee ibi qaskarak tabna alfih numuk ten. Wohuk fulah raqtem Suuriyah malik keenik selli heeh, keenit ballaaqet akah yaaqiten innah aaqatuk suge.

2 Aydaad 14:11

Tokkel qeebi radaamak dumal, Aasa YALLAY isi Dagelta kinnihiyya fan dooqa abeeh; dooqah iyyeemih, «YALLAW, boola-le-qaskar cayla-le-qaskarak qeebil taysiisem koo. Nanu, ni Dageltaw, kibaalah linom koo kinnuk, a gid takke qaskaray loowo sinnihiyyat qeebi abna'gidih ku migaaqal ugunneh nan. YALLAW, nee cat; nee doortem koo. Kok taysem matana» iyye.

Makaabon 7:16

Too waqdi isi maray sidiica bool yakkehiyya sidiica ikkel kurra heeh, sarrak kulli numuh *baanta kee, addat ifoyti akak yan buuti yecee.

Makaabon 7:7

Too waqdi YALLI Gidqoonuk iyyeemih, «A sidiica boolih numuy lee gabah kumusak aaqabuk sugeenihiyyah gabat, Miidiyan marak sin aysiiseyyok, raqqa 'ye marak inkih buxah uduura inxic» iyye.

1 Samuwel 14:2

Kay abba woo saaku Migroon deqsita aracal rummaantô caxah gubal yinfiddigeh yen. Migroon deqsita arac Gibqâ-magaala kaxxam xeeruk mananna. Saawul lih laca boolih num yen.

1 Samuwel 14:6

Yonaatan woo furraynuy kaa'lih yanik iyyemii, «A *Filistiiniy diini-maleelah tanihiyya elle tani'kke fan nee bey. YALLI nee catam takkehik, dagnah faxeh gide nakke'mmay YALLI isih faxek, keenik nee aysiisele» iyye.