1 Malikwa 20:13 - NABUWWA KEE MALIKWA

¹³ Oson tohut yanin waqdi, malik-Acabal nabi yemeeteeh kaak iyyemii, «YALLI, ‹Ama kaxxa qaskar tablee! A saaku tama qaskarak koo aysiiseyyooh; too waqdi YALLA kinniyom yok aaxigetto› kok iyyah yan» kaak iyye.

1 Malikwa 20:13 ပူးပေါင်းရင်းမြစ်များ

2 Samuwel 10:13

Yowab kee kay mara qeebih dadahte waqdi, Suuriyah mari kudeh.

1 Malikwa 18:39

Ummatta ah tuble waqdi baaxol gommoh raddeeh, «YALLIIY Yalla kinnih! Yalli dibuk kaa» iyyen.

1 Malikwa 20:14

Acab too waqdi, «Qeebi foocat iyyi gacele?» iyye. Nabi kaak iyyemii, «YALLI kok iyyamaa, ‹Rakaakay-abbobtih amrih gubat ten furraynah-ten-qaskar qeebi miraacisele› kok iyyah yan» kaak iyye. Malik Acab, «Qeebi qimbisaanamih amri tacayu waytam iyyaay?» iyye. Nabi, «Atu aceetto» iyye.

1 Malikwa 20:22

Tohuk lakal nabi, malik-Acabal gexeeh kaak iyyemii, «Gexay uduuray qaskar nagay ugusaay, abinnaan mala cubbil aba. Woh akah axcem, yamaate sanat sugumuh addat Malik-Banihadad nammeyhaak qeebi siinit aba'gidih amaatele» iyye.

1 Malikwa 20:28

Malik-Acab fan nabi yemeeteeh kaak iyyemii, «YALLI iyyaamahaa, ‹Suuriyah-mari yok, qaleelâ-Yalla ikkal booxâ-bagih-Yalla hinna iyyeenimih; tonna-leemiik ken qaskaray kaxxam mangohiyyak qeebil sin aysiiseyyo. Too waqdi koo kee ku marak YALLI yoo kinnim aaxigettoonu› siinik iyyah yan» kaak iyye.

2 Malikwa 13:23

Takkay immay YALLI kaxxam keenih racmatak sugeemih sabbatah, bayi ken mahanna. Abraahim kee Iscaak kee Yaqkuubuh cule xaganih sabbatah ken catak suge. YALLI, a saaku fanah, isi marat darre macabinna.

2 Malikwa 3:18

Eliisaq toh lih kaadu keenik iyyemii, «YALLAL ahamih abto kaxxam hinnaay, kalah kaadu Mooyab marak qeebil sin aysiisele.

2 Malikwa 7:1

Eliisaq kaak iyyemii, «YALLI iyyam oobbey. Beera ta waqla kamadik sidooca-kiilo Samaariyah-magaalat maroh tan gasok culmal, lakqok inki-garsit xaametton. Gabru deqsitta darok kaadu lica-kiilo lakqok inki-garsit xaametton» iyye.

2 Aydaad 20:15

Too waqdi Yacadiyel iyyeemih, «Amoytaay, Yuuda kee Yarusalaam ummatey, YALLI siinik iyyamaa, ‹A qaskaray kaxxam mangohiyyak mameysitinaay niya siinik addigille waytaama. Carbi Yalli siinih abele'kkal isin mabtan.

2 Aydaad 20:17

A carbih qeebi maabinay, inki aracal missowwa 'xicay elle idiya. Too waqdi YALLI siinih yacayu waa nasri isinnih abletton. Tonna'mmay Yuuda kee Yarusalaam magaalah maraw, meysi kee bagbaggoowiyya cabba haay, qeebih eweqa; YALLI sin lih yanik» 'yaanam keenik iyye.

Yasaqya 37:20

Tonna'mmay ta saaku YALLAW, ni Dageltaw, ta numih gabat rade nee kal. Ta numih gabak nee teyyeeqek, kok sa YALLAW, Yalli ane waam, baadal tan doolatwa inkih aaxigele» 'yaanam dooqah iyye.

Yacedkel 20:14

Takkay immay woo ken beyah yoo yuble marih foocal, Yalli ken bayseh 'yaanam innit cabam mafaxinniyo. Tonna-leemiik, inni migaaqih taagah inni naqabu keenil oobisaamak wadir eedeh.

Yacedkel 20:22

Takkay immay, Israayil mara Masrik ayyaaqih yoo yuble mango baaxoh marih garil, inni migaq darraqoysam mafaxiyyooy; tohih sabbatah, ken baysaamak raaqeh.

Yacedkel 6:7

Sahda kulli ikkel keenik qidelon. Too waqdi YALLA kinniyom yok aaxigelon.

Ayyuqel 3:17

«Too saaku Israayil maraw, anu YALLAY sin Dageltah yani kinniyom yoh aaxigetton. Anu elle anim, Siyon qaley taahirik tani kinnim aaxigetton. Yarusalaam taahirik tan magaala akkeleeh; afak temeete qaskarih gabat maradda.

Yoosuwa 10:8

Too waqdi YALLI Yoosuwak iyyemii, «Anu nasri koh aceeh ani'mmay, keenik mameysitin. Keenik num kot makoysitak» kaak iyye.