1 Malikwa 2:7 - NABUWWA KEE MALIKWA

⁷ «Gilqad rasul yooboke Bardillayah xayloh emeqaay amo keenik wagit. Woh akah kok axcem, ku toobokoyta Absalaamak kude saaku yoh yemqeenih yenen.

1 Malikwa 2:7 ပူးပေါင်းရင်းမြစ်များ

2 Samuwel 19:28

Yi marah inkih, rabak sah taguudem matan. Takkay immay yooy, isih akminnaanim is lih adoobisak sugte. Tahaysa yok raqteemiy yoh ab axcuk koo essera mayyu» iyye.

2 Samuwel 9:10

«Kooy ku xaylo kee koh taamita marak inkih kay baaxo abqurettoonuuh, kay daro afiiletton. Tonnal kay buxah mari maaqo geele. Mafibosetih tu gactek, usuk kulli way yi buxal adoobitele» kaak iyye. Xiba, «Meqeh yi amoytaw, atu yok intem abeyyo» iyye. Xiba lab-xaylok taban kee konooy luk yeneeh, kaah taamita marak labaatanna takkem luk yen.

2 Samuwel 9:7

Too waqdi Dawud kaak iyyem leh: «Yok mameysitin. Ku abba yok kaxxa kataysak sugeemih sabbatah, koo catam faxak. Ku kaxxa-abba Saawul luk suggu 'ye baaxo inkih koh gacseyyo. Atu kaadu a saakuuk xabba haanam yi buxal adoobittaama» kaak iyye.

2 Malikwa 25:29

Tonna leemiik, casbi-sartanay edde sugehiyyak katta 'yeh, meqe sarat gacak, rabba 'yam fanah malik adoobita maaqo kaa'lih adoobitaamih idni malikik geeh yen.

2 Malikwa 25:30

Tohuk kalah, faxxa haam edde xaamituh, kulli ayro lakqo kaah acayuk sugen. Rabba 'yam fan tonnal suge.

Qedra 2:61

Seekah yooboke marak Cabaaya kee Hakkox kee Bardillay migaq luk yen gulub, seeka gacsaanamih digga mageytiminna. Bardillay deqsita gulubuy seekah gacsahiyya akak rade num, digibe saaku balli gulubul kaa muggaaqiseeniih, Bardillay kaak axcuk yenen. Ta mari inkih akak rade marih migooqa keenik mageytiminnaay; tonna-leemiik taahir ane waa maray seekat gacu duude waahiyyat ken loowen.

Ermiyaas 52:33

Tonna leemiik casbi sartanay edde sugehiyyak kaa kaleeh, meqe sartanat kaa hee. Sarra, isih elle adoobita ikkel, maaqo kaa'lih yakmeemih idni kaah yecee.