1 Malikwa 2:32 - NABUWWA KEE MALIKWA

³² Yi abba aaxige'kal, kaak yeyse maray tu baahe weehiyya qide. Tohuh YALLI kaa digaalele. Qidem, Israayil qaskarak abbah yen Abner kee, Yuudâ-qaskarih abbah yen Qamasa deqsita numu.

1 Malikwa 2:32 ပူးပေါင်းရင်းမြစ်များ

2 Samuwel 17:25

Absalaam, qaskar-abbootan Yowab aftok, Qamaasa deqsita numuh yeceeh yen. Qamaasa, Yeter deqsita numih baxak ten. Kedok, Ismaaqilto deqsita marah aabakuk yen. Kay ina Abiigal deqsitta barrak ten. Abiigal Nacas deqsita numih baxák teneeh, Yowabak ina-maqanxák ten.

2 Samuwel 3:29

Abner-biili Yowab kee kay buxah mara yabbaxay. Boda kee baras kay durruyyat cabe waytay, caxxal rekitak gexa num keenit waytime waay. Carbi kee qulul ken cabe waytay» iyye.

2 Samuwel 3:37

Tohuk gexxaamah Dawud mara kee Israayil rasul suggu 'ye mari inkih Dawud Abner-rabat gaba aalle waam yeexegeenih.

2 Samuwel 3:39

Anu a saaku Yalli doore malik kinniyoh immay, boolaatem innik ableh an. Xaruyâ-xaylo yab yok taabbu cinteh; umam abe numul YALLI umam baahay» iyye.

1 Malikwa 2:44

Yi abbal bahtem taaxigeh, hawwen akak mantu. Tohuh YALLI koo digaaleleeh,

1 Malikwa 2:5

«Tohuk kalah koh warsam liyo» kaak iyye. «Toh macaay intek, duma Yowab yol baahem taaxigeh. Israayil qaskarih abbobtik namma num qidem kassa koo. Nér-Abner kee Yetér-Qamasa qiddem kaa. Qeebi addat ken maqidinnaay, baaxo wagarih tan saaku, loowitiik ken qidem atu isih kassittah. Tu baahe wee mara annaak qide. Usuk abe umaane kay fillal raqtaah akah biyaakitam kaal tan» iyye.

1 Malikwa 8:32

too waqdi, yi Dageltaw, qaraanak ken ankacisaay, cakki le num uybulluy. Qellat le numul celta digaala kaat abaay; qellat baahe wee num currih rub.

2 Aydaad 21:13

Ken gita cabba hayteh, Israayil malikwa abak tenem abta. Yuuda kee Yarusalaam magaalah mara Yallak teyxeereh. Malik Acab kee kay lakal malikwa yekke mari Israayil mara Yallak akah yeyxeeren innal, atu Yuuda kee Yarusalaam mara Yallak teyxeereh. Tohut macabinnitoy ku toobokoy kok aysuk tenehiyya qidde.

2 Aydaad 21:14

Tohuk gexxaamah YALLI ku maraay ku xaylooy ku agabu kee edderri hayteemil bala oobisele.

Aster 1:19

<

Yacedkel 17:19

YALLAY Mulki lehiyya kaadu iyyeemih, «Waara Dagelta kinniyooh inni migaaqal xiibita'mmay, yi migaaqal abeh yan Yalla-kee-xagana makeemih sabbatah, kaa digaaleyyo.

Makaabon 9:24

Ah akah tekkemii: Abimalik kee Seekem maray kay toobokoh malcina-tabanih qidiyyal kaa agiirisehiyyak, Yalli wohih cane gacsa'gidi.

Makaabon 9:57

Seekem marih umaane kaadu keenit macabinnaay; Gidqóon-Yootan, «Amah siinit maraqta» axcuk edde yaabe abaaro keenit maraaqinna.

1 Samuwel 15:28

Too waqdi Samuwel annah kaak iyye. «YALLI a saaku Israayil ummatih amoytiinu kok kaleh, gersi numuy kok yaysehiyyah yecee.