1 Malikwa 2:24 - NABUWWA KEE MALIKWA

²⁴ YALLI yi abbah aracal yoo hayya heeh digga yot hee. Qahdi akah culem duuduseeh, abbootan yoo kee yi ramadah yecee. YALLAY waarahiyyah migaaqal xiibita: Qadoonal, ta saakut edde, rabâ-cokmi kaal abeyyo» iyye.

1 Malikwa 2:24 ပူးပေါင်းရင်းမြစ်များ

2 Samuwel 12:10

Yoo hawwenna hayteh, Uriyyâ-barra isih abitteemih sabbatah, ku ramad carbi gadda akkele› 'yaanam YALLI kok iyya.

2 Samuwel 7:27

YALLAW, Israayil dooreh, Nabaamak Naba Dageltaw, ‹Buxa innih koh xiseyyooh, ramad kok aymaggeyyo› 'yaanam yok inte. Tonna-leemiik a dooqa edde aba niya yot gacte.

1 Malikwa 1:29

teetik iyyemii, «Ku baxi Suleeman yi lakal malik akkeleemih, YALLAY Israayil doore Dagelta kinnihiyyah migaaqal abe xiiba, a saaku duuduseyyoomuh, YALLAY waaraah kulli gadaamak yoo yeyyeeqehiyyah migaaqal koh xiibita» teetik iyye.

1 Malikwa 1:46

Suleeman malik yekkeeh, away dardaarinni-korsil daffeya.

1 Malikwa 1:52

Too waqdi Suleeman iyyeemih, «Yaaminen num yekkek, gabah kaa xagtam matan. Yaaminen num akke week, rabi kaak raq mali» iyye.

1 Malikwa 10:9

YALLAY ku Dagelta kinni fayla taafay. Yalli isi mara xiinisa malikih koo doore waqdi, kot ruffa iyyem yuybulleeh. Toh akah abem, isi ummatta Israayil kulli way kicnaamih taagah, atu qadli kee cakkit ken xiinissa'gidi» inte.

1 Aydaad 17:17

Yallaw, a saaku inkinnah duma neh abteh sugte maqaanek giffa 'ta maqaane neh abte. Yi ramadah kaadu sarrî-dabaanal abtu waytaamat yabteh. YALLAW, yi Dageltaw, kaxxa numuh yoo tablem asmiteh an.

1 Aydaad 17:23

«YALLAW, yoo kee yi marah culte xagana xagur. Abeyyo intem neh ab.

1 Aydaad 22:10

Yoh Qibaadâ-Qari xissu waytam, ku xaylok too baxa. Usuk baxa yoh akkeleeh; anu abba kaah akkeyyo. Kay reeda Israayil rasul baxak baxal raaqele› 'yaanam yok iyyeh yan» kaak iyye.

1 Aydaad 29:23

Tonnal Suleeman, isi abbah aracay YALLI keenih yeceehiyyal, malik yekke. Suleeman malik yekkek wadiril, abinnaanim gabal kaak bicteeh, Israayil mari kaadu kaah rammitakaay amri kaak oggolak yenen.

1 Samuwel 25:28

Anu baahe qellat eellek, qafu yoh ab. Atu abtam YALLI kok aba iyye carbi kinniimih sabbatah, koo kee kok raddem inkih malikwa akketton. Addunyâ bagul tanim fanah, umaane elle geytinta num akke koo kalay.