1 Malikwa 19:19 - NABUWWA KEE MALIKWA

¹⁹ Tohuk lakal Eliyyas gexeeh, sarrak Eliisaq namma awuruy *madmad edde yanihiyyat abquruk kaah suge. Kaa'lih kaadu *madmadat tittat yoxeen awurwak labaatanna kee namma awuruy nammay nammayah axawah tittat yanihiyyat baaxo yabqure mari yen. Usukuuy salafat keenik tan namma awurut abquruk yen. Sarra Eliyyas saro isik kalla heeh Eliisaqal hee.

1 Malikwa 19:19 ပူးပေါင်းရင်းမြစ်များ

1 Malikwa 19:13

Eliyyas a anay yoobbe waqdi, fooca sarot isik qellissa heeh, edde suge gablak afah yewqe. Sarrak gablak afal soole. A anay, «Eliyyasow, ama'kkel maca abtah?» kaak iyye.

1 Malikwa 19:16

Nimsi-baxa-Yaahu kaadu, Israayil-malik akah yakke innah, kaa uskut. Aabil-Macoola deqsitta magaalal yan Saafat-baxa-Eliisaq kaadu, ku lakal nabi akah yakke'nnah, kaa uskut.

2 Malikwa 2:8

Sarrak Eliyyas rarayto isik kalla heeh gabat makmakka heek lakal woo weeqaytu edde yootoke. Too waqdi woo weeqayti namma'kkel kurruume. Sarrak kaa kee Eliisaq kafin baaxok bagul weeqaytuk woo qaxa fan taben.

Qaamus 7:14

Too waqdi Qaamus kaak iyyemii, «Anu lac kee subla dacrisa num kinniyo. Nabi hinniyooy, nabuwwal yimixxige marih num hinniyo.

Qaamus 7:15

Takkay immay illi elle duwak suge ikkek YALLI isih yoh secca 'yeh, ‹Gexay ama table sirri Israayil ummatah waris› yok iyye.

Zakariyya 13:5

‹Nabuwwa hinninooy buqre-aba kinnino; noobokeemih buqrek sah gersim maabinnino› axcelon.

Makaabon 6:11

Tohuk lakal YALLIH malaykatti Qofra deqsitta magaala fan yemeeteeh; wokkel garsâ-gubal daffee. Woo caxa luk tenem, Yoqas deqsita numuy Abiqeder marak radek ten. Kay baxi Gidqoon, Miidiyan-mari kaa akah able waa'nnah, qinab caxah maqab elle bicsan aracal kamadii kee caffa tittat anfiyak suge.

1 Samuwel 11:5

Saawul buqreh addak awur gabat hayya heeh amaatuk suge. Too waqdi, «Maca tekkeeh? Sinam akah weqtam macaay?» iyye. Too waqdi Yaabesik yemeete mari baahe xaagu kaah warsen.

1 Samuwel 28:14

«Ma ceelo luk teneh?» teetik iyye. Isiiy, «Idaltuh yan numuy rarayto xagarat lehiyyak ten» kaak inte. Too waqdi Saawul tohum Samuwel kinnim yeexegeeh, kay massakaxxah baaxok bagul gommoh rade.