1 Malikwa 19:14 - NABUWWA KEE MALIKWA

¹⁴ Eliyyas too waqdi, «YALLAW! Nabaamak Naba Dageltaw! Anu kulli way ku taamat aniih, koh dibuk taamita. Takkay immay Israayil mari ko'lih hee qahdi makeeh, ku qibaadah arooca yiggiggileenih ku nabuwwa qidak selli heen. Keenik dibuk raqtem yooy; taway yoo kaadu qidaanam faxan» iyye.

1 Malikwa 19:14 ပူးပေါင်းရင်းမြစ်များ

1 Malikwa 18:22

Tohuk lakal Eliyyas iyyemii, «YALLIH nabuwwak raqtem dibuk yoo. Baqal-nabuwwaay affara bool kee kontom takke.

1 Malikwa 18:30

Too waqdi Eliyyas ummattak, «Taway yol ama» iyye. Oson too waqdi inkih kaal gaaboowen. Too mari kaal yemeete waqdi, YALLAH sadgat elle abak sugen aracay yiddigilleh sugehiyyah bicsiyyat gaceeh,

Yasaqya 1:4

Dambi-le-ummattey, mako-le-maray, umaane-raceynittey, taama akak toome urrow, YALLA cabba hayteenih, Israayil doore Dageltay *kudduusuk yanihiyya bursutteenih darre kaat cabten.

Yasaqya 62:1

Yarusalaamah liyo kacanuk gexxaamah yaabu waa; Siyon waddintam fanah tibba maxcaay, is geyta cakkik-tan-maqaane, bar ursan girah innah, urtam fanah maffoofa.

Ermiyaas 22:9

Sinam, ‹Amah YALLI teetil akah baahem, teetil yen mari YALLAY ken Dagelta kinnihiyya lih luk yen qahdi hawweeneenih, kaa cabba heenih duyyey gabak bicseenihiyya yaqbudeenim baahen› 'yaanam axcelon, 'yaanam kaak inxic, yok iyye» iyye.

Daaniyel 11:30

Roomah mari maraakibit amaateleeh, saduh kaak gaceloonuh, tohih sabbatah meysi kaat radele. Tohuk lakal bagcarritak aduureleeh, Yallih marih diini baysam gabbatele. Yallih diini cine marih fayu aabbele.

Daaniyel 3:18

Takkay immay nee cate waamah, atu yallah litom manaqbudaay, atu soolisse ceeloh gommoh maradna» kaak iyyen.

Hosiqa 6:7

«Adamak kaxxih a mari ken lih heeh suge bica yol makeh.