1 Malikwa 18:36 - NABUWWA KEE MALIKWA

³⁶ Sadgat edde aban uddur gufe waqdi, nabi Eliyyas Yallih-sadgat-elle-abaana'gidih-bicsen-aracih-garih amma 'yeeh iyyemii, «YALLAW, Abraahim kee Iscaakaay Yaqkuub doore Dageltaw, atu Israayilil Yalla kinnitooh, anu kaadu ku naqasu kinniyom ta saaku ken iysixxig. A saaku anu abah anim atu yok aba intem kinnim ken iysixxig.

1 Malikwa 18:36 ပူးပေါင်းရင်းမြစ်များ

2 Samuwel 7:26

Tonnal ku migaq antaabbeleeh; sahda inkih, ‹YALLAY Nabaamak Nabahiyya Israayil ummatak amol yan› 'yaanam axcele. Yi dardaarinna kaadu baxak baxal ku foocal raaqa dardaarinnay baye waahiyya abetto.

1 Malikwa 18:21

Too mari yemeete waqdi, Eliyyas foocal keenik solla 'yeh keenik iyyemii, «Isinnih taysem aaxige cinteenih, agaagulut rabten. Sin Dagelta YALLA tekkek, YALLA uqbudaay; Baqal tekkek, Baqal uqbuda» keenik iyye. Sahda too waqdi tu kaal magacsinnay tibba inte.

1 Malikwa 18:29

Carri barih sadgat edde aban waktih fanah waxxaq axcukuuy goroorocitak sugen. Takkay immay tu keenil gacissam magennoonuuy; hebeltoh anay mantabbinna.

1 Malikwa 18:35

Too waqdi woo lee Yallih sadgatah bicsen arac kee bocok bagul caxitteeh; dagen af qunxa boodoodat leek kibbiime.

1 Malikwa 18:37

YALLAW, a mari atu Yalla kinnitom yaaxige'gidiiy tonna-leemik kol yaduure'gidih, aba dooqa yok oobbeyay yok raabitey» iyye.

1 Malikwa 20:13

Oson tohut yanin waqdi, malik-Acabal nabi yemeeteeh kaak iyyemii, «YALLI, ‹Ama kaxxa qaskar tablee! A saaku tama qaskarak koo aysiiseyyooh; too waqdi YALLA kinniyom yok aaxigetto› kok iyyah yan» kaak iyye.

1 Malikwa 20:28

Malik-Acab fan nabi yemeeteeh kaak iyyemii, «YALLI iyyaamahaa, ‹Suuriyah-mari yok, qaleelâ-Yalla ikkal booxâ-bagih-Yalla hinna iyyeenimih; tonna-leemiik ken qaskaray kaxxam mangohiyyak qeebil sin aysiiseyyo. Too waqdi koo kee ku marak YALLI yoo kinnim aaxigettoonu› siinik iyyah yan» kaak iyye.

1 Malikwa 22:28

Too waqdi Miikayhu iyyemii, «Atu amaanah uduurra 'tek, YALLI yo'lih yaabe kaa hinna» iyye. Qagseh kaadu iyyemii, «Ummatey, anu axcem oobbeyay yok raaqa» iyye.

1 Malikwa 8:43

too dooqa kaak raabitaay koo akah kallacem kaah ab. Isih dabqah elle tan qaraanak kay yab oobbey. Tonnal, Israayil ummattak kaxxih, addunyal enna 'ta ummatta koo aaxigeleeh ku amri duudusele. Toh lih kaadu, a qariy anu xisehiyya koo elle yaqbuden qari kinnim aaxigelon.

2 Malikwa 1:10

Too waqdi Eliyyas kaal gacsemii, «Anu Yallih-num ekkek, qaraanak gira oobeleeh woo gira koo kee ku mara akmele» kaak iyye. Too waqdiik, gira qaraanak obteeh qaskar abba kee qaskar tokmeh.

2 Malikwa 1:3

Takkay immay YALLIH malaykatti Tisbâ-rasih nabih yen Eliyyasal amri oobiseeh, kaak iyyeemih, «Gexay Malik-Acadya farmoh ruube marat mataray, ‹Ekron-magaalal yaqbuden Baqal-Dabub fan macah gexxaanaah? Israayil-rasul Yalli mayanam maay takkalee?› keenik inxicaay,

2 Malikwa 1:6

Oson iyyeenimii, «Num neh garayeeh, woo num, ‹Kaal uduuray, YALLI, «Ekron-magaalal yaqbuden Baqal-Dabub fayu esseraana'gidih, farmô-mara wokke macah rubtaa? Israayilil Yalli mayanam takkalee? Ama biyaakak murtay edde rabetto» kok iyyah yan, kaak inxica› nek iyye» iyyen.

2 Malikwa 19:19

Tonna'mmay ta saaku, YALLAW, ni Dageltaw, ta numih gabat rade nee kal. Ta numih gabak nee teyyeeqek, YALLAW, kok sa Yalli ane waam, baadal tan doolatwa inkih aaxigele» 'yaanam dooqah iyye.

2 Malikwa 20:11

Too waqdi Yasaqya YALLA kallaceeh; YALLI, Malik-Acad bicse mawqeenal radda iraawo tabna-maaqatta wadirih akah taduure innah abe.

2 Malikwa 5:15

Too waqdi isi mara is lih hayya heeh Eliisaq fan gexeeh kaak iyyemii, «Tawayaay Israayil ummat taqbude Yallak sah Yalli mayanam eexegeh. Tonna'mmay Yallih numow, a mattaco yok oggol» iyye.

2 Malikwa 5:8

Nabi Eliisaq ah yoobbe waqdi, malikih farmo ruubeeh iyyemii, «Isi sara maca qanxisseeh? Ama num yol rub. Israayilil nabi yanim kaa aybulleeyyok» iyye.

1 Aydaad 29:18

YALLAW, ni kaxxa abbobtih yen Abraahim kee Iscaak kee Israayil elle aamanuk sugte Dageltaw, a saaku lino meqe niya kulli way isi marih afqadot haay. Ken afqado koo fan hayisay.

2 Aydaad 30:6

Farmoh ruuben mari, malik kee malik gubal taamita mari keenik elle iyye innal, inkih tan Yuuda kee Israayil rasu gexeeniih; yuktuben warkat akriyuk, keenik iyyeenimih, «Israayil maraw, YALLAY Abraahim kee Iscaakaay Yaqkuub doorehiyyal uduura; toh abteenik, siiniy away Assuuriyah marih gabak cate mara kinnihiyyal aduurele.

Yasaqya 37:20

Tonna'mmay ta saaku YALLAW, ni Dageltaw, ta numih gabat rade nee kal. Ta numih gabak nee teyyeeqek, kok sa YALLAW, Yalli ane waam, baadal tan doolatwa inkih aaxigele» 'yaanam dooqah iyye.

Yacedkel 36:23

Yi migaaqay taahirik yanihiyyay isin bayisak sugteenihiyya ummatah qaddoysu waa saaku, anu YALLA kinniyom aaxigelon. Siinih abu waamat, gersi baaxol yan mari saytun Dagelta kinniyom yok aaxigelon. Tahat yabtam yoo YALLAY Mulki lehiyya.

Yacedkel 39:7

Yi migaaqay taahirik yani Israayil ummatay yi ummatah tanihiyyah addal akah yamixxige'nnah abeyyo. Tahak wadir ceele-waa migaq yoh abaanam maqansiisa. Tohuk wadir gersi baaxol yan mari inkih, anu Israayil rasul taahirik yan Dagelta kinniyom yok aaxigelon.

Daaniyel 12:11

Kulli ayro acayuk sugen sadgat edde yeyseeden ayroy woo kaxxam umâ-yabulih tanim edde hoonu waanak, wadirih alfi kee namma bool kee sagla-tabanih ayro tatrele.

Daaniyel 8:13

Tohuk lakal malaykattuk teeni, aki malaykattuk, «Ahamay away wacyih tanihiyya annal magide fan sugelee?» axcih oobbe. Woo malaykatti kaadu essereemih, «Kulli ayrol Yallih Qibaadah-Qaril aban sadgatih aftok, a wacyih nuble umaane magide fan sugelee? Qaraanal tan qaskar kee Yallih Qibaadah-Qarit yaaqiteenim gaba kaltu waytam, maa saakuuy?» iyye.

Daaniyel 9:21

Anu too dooqat an waqdi, Jibriiliy duma soonoh ublehiyya haadak anu elle ani'kke fan yemeete. Usuk yemeetem carri-barih sadgat edde aban waktik ten.