1 Malikwa 18:32 - NABUWWA KEE MALIKWA

³² A taban kee namma xaak YALLAH sadgat elle abak sugen arac bicse. Woo aracat maroh af qunxa boodooda dage. Woo boodooda leek kiboonuh taban kee affara litri faxak yen.

1 Malikwa 18:32 ပူးပေါင်းရင်းမြစ်များ

1 Malikwa 18:33

Sarrak boco bahha heeh, woo Yallih-migaaqal xise aracak bagul hee. Sarrak woo awur asguddaay niyyassa heeh, woo bocoh bagul hee. Too waqdi iyyemii, «Affara gaanu leek kibba haay, woo aracih bagul tan sadgat kee bocol caxa» iyye. Too mari Eliyyas keenik aba iyyem aben.

1 Malikwa 18:35

Too waqdi woo lee Yallih sadgatah bicsen arac kee bocok bagul caxitteeh; dagen af qunxa boodoodat leek kibbiime.

Makaabon 21:4

Ciggilta ayro maaca dibrot sadgat elle aban arac bicissa heeniih, cado akak carrisan saq sadgatah woo aracih amol carriseeniih, tonnah kaadu amaanah xiinaanamih astah aban sadgat tokkel aben.

Makaabon 6:24

Tokkel Gidqoon YALLIH migaaqal sadgat elle aban arac bicse. Too aracak migaaqah ‹Wagri YALLAT yan› 'yaanam iyye. Woo aracay sadgat elle abehiyya a saaku fan Qofra deqsita aracal yan. Qofra, Abiqeder gulub guubuh le aracak ten.

Makaabon 6:26

Tohuk lakal a koomah amol, meqe'nnal heen xeetik, YALLAY ku Dagelta kinnihiyyah sadgat elle aban arac bicis. Malcina karmat yan awur bahha haay, cado akak carrisan sadgatah, woo Aseera deqsitta gurmuddak tiddigille bocol cararis» kaak iyye.

1 Samuwel 7:17

Tokkeek Raamal tan isi buxa fan adaaruk yen. Tokkel kaadu titta wee marih fan mekelak yen. Raamal YALLAH sadgat elle aban arac bicse.

1 Samuwel 7:9

Too waqdi Samuwel anaqtu qideeh, woo anaqtu elle yani'nnaak YALLIH sadgatah cararise. Sarrak YALLI Israayil ummatah nasri yecee'gidih dooqa abe. YALLI too dooqa kaah oggoleh.