1 Malikwa 18:24 - NABUWWA KEE MALIKWA

²⁴ Too waqdi Baqal-nabuwwa isinni yalla kallacoonay, anu kaadu YALLA kallaceyyo. Too dooqa abna waqdi, gira ruubinnaan Yalli nummah Yalla kinnim aaxigenno» iyye. Ummatta, «Taham meqeemik, takkay» iyyen.

1 Malikwa 18:24 ပူးပေါင်းရင်းမြစ်များ

2 Samuwel 14:19

Teetik iyyemii, «Aham kok inxica intem Yowab maay kinnii?» iyye. Too waqdi barra kaak intemii, «Away atu yol esserta esserok elle asillime'nna mayyu. Aham yok inxica intem kaa kinniimih ku gabal xiibita. Ta yab afat yok haytem kaa kinnih» inte.

1 Malikwa 18:23

Taway namma awur baaha. Woo namma awuruk Baqal-nabuwwa awuruk teena beyya heenih yasguudoonay niyyassa heek lakal, akak gira sinni bocoh bagul hoonay. Anu kaadu aki awuruk toh abeyyo.

1 Malikwa 18:25

Sarrak Eliyyas Baqal-nabuwwak iyyemii, «Isin mangitoonumih sabbatah, isinni awur naharat beyay usguuda. Too waqdi bocot gira maruubina; isinni yalla kallaca» keenik iyye.

1 Malikwa 18:38

Too waqdi YALLIH gira qaraanak obteeh; too waqdi qiden awuruuy xeet kee boco inkih cararisseh, baaxok bisu korisseh woo af qunxa boodooday leek kibbinteh sugtehiyya woo gira kafisseh.

1 Malikwa 18:39

Ummatta ah tuble waqdi baaxol gommoh raddeeh, «YALLIIY Yalla kinnih! Yalli dibuk kaa» iyyen.

1 Malikwa 2:38

Simqi, «Malikow, meqeh, atu axcinnaanim abeyyo» iyye. Sarrak Yarusalaamal mango wakti suge.

1 Aydaad 21:26

Tohuk wadir YALLAH sadgat elle abu waa arac tokkel xiseeh; cado akak carrisan sadgat kee amaanah xiinaana'gidih aban sadgat too aracal YALLAH abe. Too sadgatah saqa usgudda hee waqdi dooqa abe. YALLI too dooqa kaak raabiteeh, yusguude saqih cado elle alaytu wayta gira qaraanak ruube.

2 Aydaad 7:1

Suleeman dooqak gaba kalla hee waqdi, qaraanak temeete gira sadgatah yusguudeenih sugen saqih cado carrisse. YALLIH nabna yaybulle noori, inkih yan Qibaadah-Qarik adda ifissa hee.

2 Aydaad 7:3

Israayil ummatay wokkel sugtehiyya qaraanak gira oobah tubleeh, YALLIH nabna yaybulle noori qari duudusem yublen waqdi, baaxok bagul Yallih qibaadah gommoh radeeniih, sarrak kaa fayliseeniih, «YALLI maqaane le Goytak, candu kaah gacisa, ummatey! YALLIH kacni mayambaxak, tohul candu kaah gacisa» axcuk kaa saarisen.

Yasaqya 39:8

Too waqdi Ciskiyyaahu iyyemii, «Ta way atu edde yabta YALLIH yab meqe yaaba» 'yaanam iyye. Toh akah iyyem, «Anu innih anim fanah, baaxo amaan akkele» 'yaanam niyal hayya heeh iyye.

Ermiyaas 27:18

A mari nummah nabuwwa yekkeeh siinih warsaanam yi farmo tekkek, tonnal Yarusalaamal YALLIH Qibaadah Qarih adda kee malik buxah addal tan duyyey raqtehiyya Baabelon mari dannabah bee waa'gidih yoo kallacoonay› siinik iyye» keenik exce.

Makaabon 6:21

Tohuk lakal YALLIH malaykatti amma 'yeh, woo cado kee gaqambo, gabat abbaxuk suge caxxah xage. Woo xixxaqak gira tewqeeh cado kee gaqambo cararte. Tohuk lakal malaykatti qelliteh.