1 Malikwa 18:21 - NABUWWA KEE MALIKWA

²¹ Too mari yemeete waqdi, Eliyyas foocal keenik solla 'yeh keenik iyyemii, «Isinnih taysem aaxige cinteenih, agaagulut rabten. Sin Dagelta YALLA tekkek, YALLA uqbudaay; Baqal tekkek, Baqal uqbuda» keenik iyye. Sahda too waqdi tu kaal magacsinnay tibba inte.

1 Malikwa 18:21 ပူးပေါင်းရင်းမြစ်များ

1 Malikwa 18:20

Acab, Israayil mara kee Baqal-nabuwwak inkih Karmel qale fan ama 'yaanam iyye.

1 Malikwa 18:39

Ummatta ah tuble waqdi baaxol gommoh raddeeh, «YALLIIY Yalla kinnih! Yalli dibuk kaa» iyyen.

2 Malikwa 17:41

Tonnal, a mari kaadu YALLA aqbuduk yen saakuuk, kaa'lih coox kee xeetiy gabak oreenih bicseenihiyya aqbuduk yenen. Ta saaku fanah ken ramad too oson abak suggu 'yeenim aban.

1 Aydaad 17:26

YALLAW, atu Yalla kinnitooh; yooy ku naqasu kinnihiyyah muxxo le xagana culte.

2 Aydaad 33:13

YALLI, Manasse abe dooqa oggoleeh, Yarusalaamal akah suge malikih gaca'gidih, Yarusalaam fan kaa gacse. Tohuk gexxaamah Manasse, YALLI dibuk Yalla kinnim yeexegeh.

Hosiqa 10:2

Afqado keenik makot taniih; too makoh sabbatah, celta digaala keenit akkele. YALLI oson bicsen qibaadah arooca kee xeetik bicsen qamidway yaqbudeenihiyya bututtukku keenik heele.

Xafanya 1:5

Qarwah amol gacca 'yeh, ayro kee alsa kee cutuuka yaqbude mara bayseyyo. Yoo yaqbudeeh, yi migaaqal xiibitak wadir, yok kalah Milkom deqsitta duyye yaqbude maray too duyyeh migaaqal xiibitahiyya bayseyyo.

Yoosuwa 24:15

YALLA taqbudeenim faxe wayteenik, ta saakut edde taqbudoonu waytaanam yoo iysixxiga. Yalla aqbude wayteenik, wonnal isin akak radden sin kaxxa abbobti Mesbotaamiyah rasul sugte saaku aqbuduk ten duyyeeya akke kee, hinnay kaadu, away elle tanin baaxol Amoorâ mari aqbuduk suge duyye doortaanama. Yoo kee yi buxah maraay yi buxal taamita marah tu gactekiiy nanu YALLA aqbudenno» keenik iyye.

1 Samuwel 7:3

Sarrak Samuwel Israayil marak annah iyye, «YALLAL baguuk taduureenim faxxeenik, a duyyeeyay gersi mari yalla 'yeh yaqbudehiyya kee, yalla akak intan Qastarot akak iyyaanamih ceeloy gabat litoonuhiyya wonnah qida. Dudda haytaanam kee, niyak elli haytaanamaak, YALLAL gactaanamaay dibuk kaa uqbuda. Filistiin marih gabak sin cattu waytam, inki Dagelta» keenik iyye.