1 Malikwa 18:19 - NABUWWA KEE MALIKWA

¹⁹ Taway Israayil marak inkih, Karmel qalel yot ongoorowa inxic. Baqal-nabuwwak affara bool kee kontom gabat bah. Say-yalla akak iyyan duyyey migaaqah Aseera akah iyyaanahiyyay ku barra Idebal cato akah abtahiyyah nabuwwak affara bool gabat bah» kaak iyye.

1 Malikwa 18:19 ပူးပေါင်းရင်းမြစ်များ

1 Malikwa 15:13

Isi aboyyay migaaqah Maqka deqsittaah, ‹Inah tan maliká› 'yaanam akah axcuk sugeenihiyya woo abbootanak kaleh. Tet abbootanak akah kalem, say-yalla akak iyyan duyyey migaaqah Aseera akah iyyaanahiyyah gurmudday umâ-yabulih-tani soolisseh sugte. Aasa too gurmudda kalla heeh Kidroon migaq le goloh addal carrise.

1 Malikwa 16:33

Tohut maadayinnay qagseh Aseera migaq le say-yalla akak iyyaanam elle yaqbudoonuh gurmudda hee. Tonnah abak YALLAY Israayil doore Dagelta kinnihiyyah bagcarra bahta uma taamat asak suge. Too gital kaak duma sugte Israayil-malikwak inkih fula le umaane usuk abak suge.

1 Malikwa 18:20

Acab, Israayil mara kee Baqal-nabuwwak inkih Karmel qale fan ama 'yaanam iyye.

1 Malikwa 18:22

Tohuk lakal Eliyyas iyyemii, «YALLIH nabuwwak raqtem dibuk yoo. Baqal-nabuwwaay affara bool kee kontom takke.

1 Malikwa 22:6

Sarrakaa, Acab affara bool takke nabuwwah seeco abeeh; too nabuwwa temeete waqdi ken essereh, iyyeemih, «Raamot magaala nabbixe'gidih gaadu'nna, raaqooh?» iyye. Oson too waqdi, «Gexay gaad; YALLI nasri koh aceelek» kaak iyyen.

2 Malikwa 10:19

Baqal-nabuwwaay kaa yaqbude mara kee kay seekak inkih gaaboowa. Num raaqe waay. Baqalah kaxxa mattaco aceem faxa'mmay, amaate waa numul rabi amaatele» iyye. Taham Yaahu Baqalal yaamine mara inkih qida'gidih, ayrah keenik iyyeemik ten.

2 Malikwa 13:6

Tonna'mmay Israayil mari, Yarobqam ken yuybulleeh cabe dambih abittok maraaqinna. Tohuk kalah kaadu, migaaqah Aseera deqsittaamay yaqbudeenihiyyah astah heenih sugen gurmudda Samaariyal elle suge aracak makalinnon.

2 Malikwa 2:25

Tohuk lakal Eliisaq Karmel-deqsitta-qale yewqeeh, sarrak Samaariya fan yuduure.

2 Malikwa 3:13

Eliisaq fan yemeeten waqdi, Israayil-malikik iyyemii, «Anu koo macatak, gexay; ku ina kee ku abba fayu elle esserak ten nabuwwa fan gex» iyye. Too waqdi Yooram kaak iyyemii, «Nakke sidiica malikik Mooyab-malikih gubat nee qiddem YALLA» iyye.

2 Malikwa 9:22

Too waqdi Yooram, «Akah temeetem nagaynaa?» kaak iyye. «Ku ina Idebal qimbisse xeet kee coox yaqbudeenim kee sicri abaanam tanim fan, maa nagayna tan?» kaak iyye.

Nacmiya 5:17

Yahuuduh yooboke mara kee kaadu keenih yooboke ken saqoltih yan marak ayrol bool kee kontom num inni buxal adoobisak en. Tohuk kalah, dariifal nek tan baaxok qibnaytiinoh sahda yol amaatuk teneeh; too mara inkih inni buxal adoobisak en.

Ermiyaas 23:13

Duma Samaariyah rasul nabuwwa kinnino iyya mari abe umâ-yabulih tanim ubleh suge. Baqal migaaqal, ‹Woh akkeleeh ah akkele› axcuk sugen. Ta mari yi mara gitak hoxseeh, makot ken beyak yenen.

Ermiyaas 46:18

«Malik akak 'yaanam, yoo YALLAY Nabaamak Nabahiyya. Waara Yalli yoo immay siinik axcemii: Taabor qale qaleelak xeeruk elle raqtaah, Karmel qale kaadu badak fayya luk elle raqta'nnah, siinit carbi aba numih qande kulsah too bis luk siinik raaqele.

Qaamus 1:2

Qaamus iyyeemih, «YALLI, Siyoonuk lubak xongoloh innah tan xongoloh xongoleeh, Yarusalaamak kaxxa xongoloh xongole. Woo xongolo tontoobbe waqdi, saqi alooluk suge qayso inkih kafte. Karmel qaleh amol coox kee anxaxuk sugtem inkih kafte» 'yaanam iyye.

Qaamus 9:3

Karmel deqsitta kaxxa qaleh amo yawqeeniih sasan way, gorrissa ken heeh ken gacseyyo. Adda le badat culla 'yeenih yok sassaanam gabbatan way, badak addal yan gawi keenit ara'gidih amriseyyo.

Yoosuwa 19:26

Allam-melek kee Qamqad kee Misyal deqsitta magaalooli ten. Ayrô-culma le kabuk Karmel kee Sicor-Libnat deqsitta namma magaala guffa haak ten.

1 Samuwel 15:12

Maaci maacise waqdi ugutta 'yeh Saawul goranah gexe. Sarrak Samuwelik, «Saawul Karmel fan gexe» 'yaanam iyyen. «Usuk wokkel kaa elle kassitan isi ceelo bicsiise. Sarrak Gilgal fan gexe» kaak iyyen.