1 Malikwa 16:8 - NABUWWA KEE MALIKWA

⁸ Aasa Yuudâ-malik edde yekke labaatanna kee leceyhaytô sanatat Baqsa baxay migaaqah Eela deqsitak yenehiyya, Israayil-malik yekke. Dabqah Tirxâ magaalal gaceeh namma sanat malikih suge.

1 Malikwa 16:8 ပူးပေါင်းရင်းမြစ်များ

1 Malikwa 15:16

Kaa kee Israayil malikih yen Baqsa deqsita num abbootanal suggu 'yen sanat inkih, qeebi tittat abak sugen.

1 Malikwa 15:33

Malik Aasa edde reede sidochaytô sanatat Aciiya baxi Baqsa Israayil malik yekke. Dabqah Tirxâ magaalal gaceeh; labaatanna kee affara sanat malikih suge.

1 Malikwa 16:15

Aasa Yuudâ-malik edde yekke labaatanna kee malcinhaytô sanatat Dimri Israayilik malik yekke. Dimri malikih malcina ayroh gide Tirxâ magaalal suge. Too saaku Israayil mari Gibbaton deqsitta Filistiin magaala yabbixeeni'gidih, tokkel yinfiddigeenih sugen.

1 Malikwa 16:21

Tohuk lakal Israayil mari malikih haan numih dooriyyal titta weenih, namma'kkeh gaceeniih; marak garab keenik Ginat deqsita numih baxay Tibni migaq luk yenehiyya malikih haanam faxen. Aki garab keenik duma heenih sugen Qomri malikih yanay 'yaanam iyyen.

1 Malikwa 16:23

Soddom kee inikhayto sanatay Aasa Yuudâ-malik edde yekkehiyyat Qomri Israayil-malik yekkeeh, taban kee namma sanat abbootanal suge. Naharsi lica sanat Tirxâ magaalal ackumuk sugeeh,

1 Malikwa 16:6

Baqsa rabeeh, Tirxâ magaalal kaa yoogoqen. Kay baxay migaaqah Eela deqsitak yenehiyya, kay lakal malik yekke.

1 Malikwa 16:7

Too farmo YALLI, nabi-Yaahû-gabat Baqsah akah ruubeemik naharsitto: YALLIH garil uma taamat asakaay, YALLIH naqabu isil oobisak sugeemih sabbata. Tonnal Yarobqam abak suggu 'ye umaane abak suge. Nammayhaak kaadu, YALLI a bis le umaane kaal akah baaheemik sabab, Yarobqam-buxah-mara qideeh saabo ken cabsiise.

1 Malikwa 16:9

Dimri deqsita numuy malik luk yen faras-gaariirak garabak abbah yenehiyya kaa qidaamih malat gace. Ayrok teena Eela, Tirxâ-magaalal Axxa deqsita numuy malik-qarih abbah yenehiyya'lih, woo numih qaril kamri-maqabat yiskirem kaak yuble waqdi,

2 Malikwa 15:14

Gaddi-baxi-Manacem, Tirxak Samaariya fan gexeeh; Sallum wokkel qideeh kay aracal malik yekke.

2 Malikwa 15:23

Quddiyya Yuudak malik edde yekke kontomhaytô sanatat, Manacem-baxi-Fekacya Israayil-malik yekke. Sarrak Samaariyal namma sanat malikih suge.

2 Malikwa 21:19

Amon Yuudâ-malik yekke saaku labaatanna kee namma karmat yen. Yarusalaam magaalah addal namma sanatah malikih suge. Kay ina Masullemat deqsitta barrak ten. Teetik abba migaaqah Carus deqsitak yen. Elle yookokem, Yotba deqsitta magaalak ten.