1 Malikwa 16:30 - NABUWWA KEE MALIKWA

³⁰ Usuk kaadu YALLIH garil dambi le taamat asak sugeeh, kaak naharat sugte amoytittek inkih lafita dambi abak suge.

1 Malikwa 16:30 ပူးပေါင်းရင်းမြစ်များ

1 Malikwa 14:9

Kok duma suge marak gaca dambit assa. Yoo cinna hayteh, coox kee xeetiiy, dahabaay, lakqo kee nacaasak isi gabak bicisse duyyey yalla akak intahiyya hayte. Yot naqabu culusinnaanimit asseeh, darre yot cabte.

1 Malikwa 16:25

Qomri YALLAL dambi lem baaheeh; kaak foocat sugte malikwak inkih lafita dambit asak suge.

1 Malikwa 16:29

Yuudâ-malikih yen malik Aasa reedeemih soddom kee bacarhaytô sanat gufe saaku, Qomri baxi Acab Israayil-malik yekke. Usuk Samaariyah magaalal labaatanna kee namma sanat reede.

1 Malikwa 16:31

Kaak dumal malikih suge Nabát-Yarobqam abak suge umaane kay garil inkinnah tuk masuginnaay, dambi abitto wohuk lafittam baahe. Etbaqal-deqsita-numuy Saydâ-marak-malikih yenehiyyak Idebal-deqsitta-baxá rihimih abite. Tohuk lakal Baqal akak iyyaanam diini-maleela Yallih aftok taqbudehiyyah qibaadat gace.

1 Malikwa 16:33

Tohut maadayinnay qagseh Aseera migaq le say-yalla akak iyyaanam elle yaqbudoonuh gurmudda hee. Tonnah abak YALLAY Israayil doore Dagelta kinnihiyyah bagcarra bahta uma taamat asak suge. Too gital kaak duma sugte Israayil-malikwak inkih fula le umaane usuk abak suge.

1 Malikwa 21:25

YALLIH garil, ahayduma Acab gide YALLI niqbaamat ase num mananna. Tohut inkih kaa asissem, nikaacat luk yen kay barrak ten. Tet migaq Idebalak ten.

1 Malikwa 22:53

Usuk isi abbak kaxxih, Yallih aftok gabak bicsen ceeloy Baqal deqsita yuqbude. Tonna-leemik YALLAY Israayil doore Dagelta kinnihiyyat bagcarra ugse.

2 Malikwa 17:2

Usuk kaadu YALLAL dambi lem baaheh immay kaak duma Israayil-malikwah suge marih gide dambik maabinna.

2 Malikwa 3:2

Usuk YALLAL dambi lem baaheh immay kay abba kee kay inah gide YALLAL dambi lem mabaahinna. Kay abba, Baqal-elle-yaqbuduh-bicseh-suge-qamiddu wokkek oobiseh.

2 Malikwa 9:22

Too waqdi Yooram, «Akah temeetem nagaynaa?» kaak iyye. «Ku ina Idebal qimbisse xeet kee coox yaqbudeenim kee sicri abaanam tanim fan, maa nagayna tan?» kaak iyye.

2 Aydaad 21:13

Ken gita cabba hayteh, Israayil malikwa abak tenem abta. Yuuda kee Yarusalaam magaalah mara Yallak teyxeereh. Malik Acab kee kay lakal malikwa yekke mari Israayil mara Yallak akah yeyxeeren innal, atu Yuuda kee Yarusalaam mara Yallak teyxeereh. Tohut macabinnitoy ku toobokoy kok aysuk tenehiyya qidde.