1 Malikwa 16:24 - NABUWWA KEE MALIKWA

²⁴ sarrak Samar deqsitak yen numuk lica alfih garsih kooma xaame. Woo koomat maro heeh sarrak tokkel magaala xise. Too magaalak migaaqah Samaariya iyyeeh; elle muggaaqisem, kooma akak xaame numuy Samar deqsitak yenehiyyak ten.

1 Malikwa 16:24 ပူးပေါင်းရင်းမြစ်များ

1 Malikwa 13:32

Usuk Beetal elle yan sadgat-arac kee Samaariyah baaxol geytinta magaaloolil qibaada elle aban aroocay fayyat raqtahiyyah qaadak edde yaabe yaabay YALLI kaak inxica iyyehiyya nummak maacisele» iyye.

1 Malikwa 16:32

Too Baqal akak iyyaanamay Yallih innah yaqbudeenihiyyah qibaada bicse qaril sadgat-arac bicse. Tohum elle abem, Samaariyah magaalak ten.

1 Malikwa 18:2

Eliyyas malikih yambullee'gidih gexe. Samaariyal ibak-gibdi qulul radeh yan.

1 Malikwa 20:1

Suuriyah-malik-Banihadad, qaskarak elli haam gaabossa heeh; soddom kee nammay takke baaxoh abbobtiy faaris kee gaariira lehiyya catoh haysitta heeh gexe. Samaariyah magaala gufe waqdi maro teetit heeh qeebi teetit abe.

1 Malikwa 22:37

Malik-Acab tonnal rabeeh; raysa kaak Samaariyah magaala fan been. Tokkel kaa yoogoqen.

2 Malikwa 10:1

Samaariyah-magaalah addal Malik Acabak rade marak malcina-taban takke labha ten. Yaahu waraakit yuktubeeh; woo waraakit Samaariyah magaalal yen Yidraqelik-saqoltih-yan-mara kee makaabon kee, tonnah kaadu, Acab-duruyyat dacrisa marah inkih ruube. Woo warkatal tunkuttubem annah axcuk ten.

2 Malikwa 15:13

Quddiyya Yuudak malik edde yekke soddom kee sagalhaytô liggidat, Yaabes-baxi-Sallum Israayil-malik yekke. Samaariyah-magaalal inki alsa malikih suge.

2 Malikwa 17:1

Acad Yuudâ-malik edde yekkeemih taban kee nammayhaytô sanatat, Eela-baxi-Hosiqa Israayil-malik yekke. Sarrak Samaariyah-magaalal sagla sanat malikih suge.

2 Malikwa 17:24

Assuuriyah-malik, Baabelon kee Kuut kee Qiwwa kee Camat kee Safarwayim deqsitta magaaloolik sinam beyya heeh, Israayil-mari akak yiskiliqen Samaariyah-rasul tan magaaloolil nookise. Tonnal too mari Samaariyah-rasul tan magaalooli isinnih raqsiteenih, elle nooken.

Ermiyaas 41:5

Seekem kee Siilo kee Samaariya deqsitta magaaloolik bacra-tabanih num yemeete. Too mari deben isik mollaay, tonnah kaadu, sara isinnik qanxissa heenih yemeeten. Xagar kaadu isinnik toobiyeenih yemeeten. Yemeeten waqdi, Yarusalaamal YALLIH Qibaadah-Qaril sadgatah xayyoosoonu waan daro kee qaydarus gabat luk yemeeten.

Qaamus 6:1

Qaamus kaadu iyyemii, «Siyoonul meqe manoh tan abbobti kee, Samaariyal raacatat tan abbobtiy, siinit takku waytam abletton. Israayiliy kaxxa doolatah tanihiyyak kaxxa mara kinniton. Catoh sinam siinih tamaateemih, siinit takku waytam abletton!

Miika 1:5

Tah inkih akah takku waytam, Israayil mari edde ase dambih sabbata. Israayil mari Yallih yab cineh. A mara dambit asissem iyyaay? Keenik inaytah tan Samaariyah magaala. Yuudâ-rasul xeet kee cooxut aban qibaada ankeey? Yarusalaam magaala.