1 Malikwa 16:23 - NABUWWA KEE MALIKWA

²³ Soddom kee inikhayto sanatay Aasa Yuudâ-malik edde yekkehiyyat Qomri Israayil-malik yekkeeh, taban kee namma sanat abbootanal suge. Naharsi lica sanat Tirxâ magaalal ackumuk sugeeh,

1 Malikwa 16:23 ပူးပေါင်းရင်းမြစ်များ

1 Malikwa 15:21

Malik Baqsa tekkem yoobbe waqdi, Raamâ dariifat maro haanam cabeh Tirxa fan yuduure.

1 Malikwa 16:22

Ellecabol Qomri malikih haam faxa mari yeyseeh, Tibni qideenih. Qomri malik yekke.

1 Malikwa 16:29

Yuudâ-malikih yen malik Aasa reedeemih soddom kee bacarhaytô sanat gufe saaku, Qomri baxi Acab Israayil-malik yekke. Usuk Samaariyah magaalal labaatanna kee namma sanat reede.

1 Malikwa 16:8

Aasa Yuudâ-malik edde yekke labaatanna kee leceyhaytô sanatat Baqsa baxay migaaqah Eela deqsitak yenehiyya, Israayil-malik yekke. Dabqah Tirxâ magaalal gaceeh namma sanat malikih suge.

2 Malikwa 8:26

Usuk malik edde yekkem, karmak labaatanna kee nammayat yan saaku. Yarusalaam magaalal inki sanatih gide malikih suge. Kay ina migaaqah Qatalya deqsitta barrak ten. Isiiy Malik-Acabak baxák teneeh; Malik-Qomri kaadu baxi baxák ten. Malik-Qomri Israayil malikik ten.

2 Aydaad 22:2

Acadya qumrik labaatanna kee nammayhaytot yan saaku malik yekke. Yarusalaam inki sanat malikih suge. Acadya kaadu Malik Acab buxah marih raatat gexe. Toh akah abemii, Qatalya deqsitta barray Malik Acabak baxáh teneeh Malik-Qomri kaadu baxi baxák tenehiyya kaak inah ten. Is uma fayuy Yallak kaa yayxeerehiyya kaa fayisak ten.