1 Malikwa 16:11 - NABUWWA KEE MALIKWA

¹¹ Dimri malik akah yekke innaak Baqsâ-buxah-maral qidimih gexxa 'ye. Kaah ramad luk suge lab-mara kee, kay kataysiisih suge marak num macabinnay inkih selli hee.

1 Malikwa 16:11 ပူးပေါင်းရင်းမြစ်များ

1 Malikwa 14:10

Tohuk gexxaamah ku dardaarinnal bala oobiseyyo. Kok radda labhak baacoytit takkuu, gaddaloola takku, inkih ken qideyyo; buxâ-mara kok bayseyyo. Saqi-dacah innah baaxot ken qidelon.

1 Malikwa 15:29

Too waqdiik Yarobqam-buxah-marih qidimit gaba hee. Aciiya deqsita nabiy Siilol yoobokehiyya Yallih afak yoobbe farmo baahe saaku elle iyye innal, Yarobqam-buxah-mara qideeh, num keenik macabinna.

1 Malikwa 16:10

Dimri qari kaal culla 'yeh kaa qideeh; kay aracal isih malik yekke. Toh akah tekkem, Aasa Yuudâ-malik edde yekke labaatanna kee malcinhaytô sanatat yen saaku.

1 Malikwa 16:3

Tohuk gexxaamah koo kee ku buxah mara bayisaamat emeete. Nabát-Yarobqamak abba heem kok abeyyo.

1 Malikwa 21:22

Ku buxah marat, Nabat-baxa-Yarobqamay Israayil-malikih yenehiyya kee, Aciiyâ-baxa-Baqsay kaadu Israayil-malikih yenehiyyah buxah marat tekkeemih innah tanim keenit akkele. YALLI woh akah kok iyyamaa, Israayil mara dambit asisseeh naqabu yot culusseemih sabbatah kok axce› iyyah yan» kaak iyye.

2 Malikwa 9:9

Kay buxah maral, Nabat-baxa-Yarobqamay Israayil-malikih yenehiyya kee, Aciiyâ-baxa-Baqsay kaadu Israayil-malikih yenehiyyah buxah maral bahha heem baaheyyo.

Makaabon 1:7

Sarrak Adoonibedek iyyeemih, «Malcina tabanih malikiy iba kee gabak kaxxa-gili akak kalehiyya anu maaqo elle akme miizih gubal yok radda maaqoh buluula onkoysak akamuk yeneeni'mmay; anu keenil baahem a saaku Yalli yok gacseh yan» 'yaanam iyye. Sarrak woo num Yarusalaam magaala fan beeniih; tokkel rabe.

1 Samuwel 25:22

Maaci maacisaamak naharal kay marak num cabe'kal selli hee week, Yalli faxe umaane yol baahay!» 'yaanam isi bagul axcuk suge.

1 Samuwel 25:34

YALLI yi gabat biyaakiti sin mahanna. Tonna'mmay atu sissikuk yot matre waytaamal, beera saaku sin labhak num cabe'kal sele raareemih, waara YALLAY Israayil ummatta doorehiyyah migaaqal xiibita» teetik iyye.