1 Malikwa 15:27 - NABUWWA KEE MALIKWA

²⁷ Issakar-kedoh yooboke Aciiya baxi Baqsa, Nadab kee kay qaskar Filistiin rasul Gibbaton deqsitta magaala yabbixeeni'gidih maro haak sugen waqdi, raarisak amma 'yeh kaa qide.

1 Malikwa 15:27 ပူးပေါင်းရင်းမြစ်များ

1 Malikwa 14:14

YALLI Israayilik abba yakku waa malik reedisele. Too malik, Yarobqam luk suge dardaarinna inkitanuuk baysele. Toh xayih akkelem ixig!

1 Malikwa 15:28

Taham edde tekkem, Aasa Yuudâ-malik edde yekke sidochaytô sanatak ten. Sarrak Baqsa kay aracal isih malikih gace.

1 Malikwa 16:10

Dimri qari kaal culla 'yeh kaa qideeh; kay aracal isih malik yekke. Toh akah tekkem, Aasa Yuudâ-malik edde yekke labaatanna kee malcinhaytô sanatat yen saaku.

1 Malikwa 16:15

Aasa Yuudâ-malik edde yekke labaatanna kee malcinhaytô sanatat Dimri Israayilik malik yekke. Dimri malikih malcina ayroh gide Tirxâ magaalal suge. Too saaku Israayil mari Gibbaton deqsitta Filistiin magaala yabbixeeni'gidih, tokkel yinfiddigeenih sugen.

1 Malikwa 16:16

Sarrak too mari Dimri malik qideemih xaagu geeniih, too waqdi Qomri deqsita numuy qaskar abbah keenik sugehiyya tokkel elle malikih dooren.

1 Malikwa 16:17

Sarrak Qomri kee kay qaskar Gibbaton cabteh gexxeeh, Tirxâ magaalat maro heen.

1 Malikwa 16:7

Too farmo YALLI, nabi-Yaahû-gabat Baqsah akah ruubeemik naharsitto: YALLIH garil uma taamat asakaay, YALLIH naqabu isil oobisak sugeemih sabbata. Tonnal Yarobqam abak suggu 'ye umaane abak suge. Nammayhaak kaadu, YALLI a bis le umaane kaal akah baaheemik sabab, Yarobqam-buxah-mara qideeh saabo ken cabsiise.

1 Malikwa 16:9

Dimri deqsita numuy malik luk yen faras-gaariirak garabak abbah yenehiyya kaa qidaamih malat gace. Ayrok teena Eela, Tirxâ-magaalal Axxa deqsita numuy malik-qarih abbah yenehiyya'lih, woo numih qaril kamri-maqabat yiskirem kaak yuble waqdi,

2 Malikwa 12:20

Doolat-saqoltik namma num Malik-Yooqasak abtu waytaamal malisse. A namma num Simqat-baxa-Yodakar kee Soomer-baxa-Yahodbadak ten. Kaa elle qideenim, Silla fan ooba gitak Beet-Millo deqsita caafatak ten. Yooqas, Dawud-Magaalah addal malik kee malik buxah mara edde yoogoqen kabrit yoogoqen. Kay baxi-Amaxya kay lakal malik yekke.

2 Malikwa 9:14

Tohuk lakal, Yaahu, Malik-Yooramay Yidraqel magaalal yenehiyyak abu waamal malse. Malik-Yooram, Raamot-rasul Cadayel deqsita Suuriyah-malik lih abe qeebit mudduumeeh; qaffoota'gidih Yidraqel fan gexeh yen. Yaahu is innah tan qaskar abbobtih tan labhak iyyemii, «Yi mara tekkeenik, Raamot magaalak num siinik awqe waay; Yidraqel magaalah marah garci num siinik kale waama» keenik iyye.

2 Aydaad 24:25

Qeebit kaxxam mudduumeh raaqe. Sarra Suuriyah qaskar baaxok tewqe waqdi, kay gubal doolat abbobtih ten namma num kaal malisseeh; Sek-Yoyadaqah baxat abe qidimih caneh, isi kaqaadal yan waqdi kaa qiden. Magaq magaalak Dawud-Magaala deqsita caafatal kaa yoogoqen. Takkay immay dardortih aracat kaa maagaqinnon.

Yoosuwa 19:44

Eltakee kee Gibbaton kee Baqalat kee

Yoosuwa 21:23

Daanah yooboke marih baaxok affara magaala keenih yeceen. Eltakee kee Gibbaton kee Ayyalon kee Gat-Rimmon deqsitta magaalooli kee, lacti malaalah baaxoy woo magaaloolih dariifal tanihiyya inkih keenih yeceen.