1 Malikwa 14:9 - NABUWWA KEE MALIKWA

⁹ Kok duma suge marak gaca dambit assa. Yoo cinna hayteh, coox kee xeetiiy, dahabaay, lakqo kee nacaasak isi gabak bicisse duyyey yalla akak intahiyya hayte. Yot naqabu culusinnaanimit asseeh, darre yot cabte.

1 Malikwa 14:9 ပူးပေါင်းရင်းမြစ်များ

1 Malikwa 12:28

Toh cisaabisak suggu 'yeh sinaamal fayu essereeh; sarrak dahabak namma daheltih ceelo bicse. Tohuk lakal isi marak iyyeemih, «Akkeek, Yarusalaam magaala fan gexxaanam xexxaarah duuduntam hinnak, ahaysa Masrik sin yeyyeeqe sin Dagelti ah kaana; akkel yaniih, wokke akah taqabtaanam manton» keenik iyye.

1 Malikwa 14:16

YALLI Israayil ummatat darre cabele. Toh macaay intek, Yarobqam edde ase dambi kee, Israayil mara edde asise dambih sabbata» teetik iyye.

1 Malikwa 14:22

Yuudâ-mari dambi-lem YALLAL baahe. Ken kaxxa abbobtik fula YALLIH naqabu isinnil oobisen. Uma-taamat asen.

1 Malikwa 15:29

Too waqdiik Yarobqam-buxah-marih qidimit gaba hee. Aciiya deqsita nabiy Siilol yoobokehiyya Yallih afak yoobbe farmo baahe saaku elle iyye innal, Yarobqam-buxah-mara qideeh, num keenik macabinna.

1 Malikwa 15:30

Toh Yarobqam kee kay buxah marat akah tekkem, isih dambit asakaay, Israayil ummat kaadu dambit asisak, YALLAY Israayil doore Dagelta kinnihiyyah naqabu isil oobiseemih sabbatah kaat tekke.

1 Malikwa 15:34

YALLAL dambi lem baaheeh; kaak duma suge Yarobqam Israayil dambit akah asisak suge'nnah, usuk kaadu woo dambit ken asise.

1 Malikwa 16:25

Qomri YALLAL dambi lem baaheeh; kaak foocat sugte malikwak inkih lafita dambit asak suge.

1 Malikwa 16:30

Usuk kaadu YALLIH garil dambi le taamat asak sugeeh, kaak naharat sugte amoytittek inkih lafita dambi abak suge.

1 Malikwa 16:31

Kaak dumal malikih suge Nabát-Yarobqam abak suge umaane kay garil inkinnah tuk masuginnaay, dambi abitto wohuk lafittam baahe. Etbaqal-deqsita-numuy Saydâ-marak-malikih yenehiyyak Idebal-deqsitta-baxá rihimih abite. Tohuk lakal Baqal akak iyyaanam diini-maleela Yallih aftok taqbudehiyyah qibaadat gace.

1 Malikwa 16:33

Tohut maadayinnay qagseh Aseera migaq le say-yalla akak iyyaanam elle yaqbudoonuh gurmudda hee. Tonnah abak YALLAY Israayil doore Dagelta kinnihiyyah bagcarra bahta uma taamat asak suge. Too gital kaak duma sugte Israayil-malikwak inkih fula le umaane usuk abak suge.

2 Malikwa 21:3

Kay abba Ciskiyyaahu bayseh suge aroocay diini-maleela qibaadah luk sugtehiyya wadir nammeyhaak xise. Baqal elle yaqbudeeni'gidih, sadgat elle aban arooca bicse. Kaak dumal Israayil-malikih yen Acab akah abe innah, migaaqah Aseera deqsittaamay yaqbudeenihiyyah astah heenih sugen gurmudda soolise. Manasse cutuuka kaadu edde aqbuduk yen.

2 Malikwa 23:26

Takkay immay kaak dumal suge Manasse abeh suge dambik gexxaamah, YALLIH naqbi Yuudâ-maral oobeh sugeeh, maxabbacoowinna.

2 Malikwa 3:3

Tohuh, kaak duma malikih suge Nabát-Yarobqam abe uma-taamay Israayil ummat dambit akah asak sugtehiyya abak sugeeh; woo dambi le taamah abitto macabinna.

2 Aydaad 11:15

Malik Yarobqam isih malikih elle suge baaxol, Yallih aftok duyyeeya elle yaqbuden aroocay fayyat raqtahiyyal isih doorite maray seeka akak iyyahiyya hee. Too aroocal dabeela kee daheltih ceelo aqbuduk yenen. A ceeloola akak bicseenim, cooxuuy xeet kee dahabak ten.

2 Aydaad 33:6

Girat isi lab-xaylo sadgatah Hinnom-Goloh addal qide. Ramli qidiyya kee sicri taamah haysiteeh, ginnili kee kalluwallel takku-waytam essere. YALLAL kaxxa dambi lem baaheeh; YALLIH naqbi kay sabbatah lafitak lafte.

Nacmiya 9:25

Maroh gaso edde tan magaalooli yibbixen. Rob elle radaah kullim elle taabuke baaxo kee kullim addal akak tan qarwa keenik raaqisen. Lee edde raaqisan boodooda kee, *daytuun xala coox kee, qinab xala coox kee, kalah yan caxâ-miru xala coox keenik raaqisen. Isinnih faxxa haanam yokmeenih, ariiqo baahen. Atu keenih ucuyya hayte maqaanek inkih cayyen.

Nacmiya 9:26

«Tohuh, ku mari ku yab cineeh, koo cineh. Atu aba keenik inteemit darre caben. ‹Aham maabina, meqem hinnak› keenik inte nabuwwa qideenih. Too nabuwwa toh keenik akah intem, oson kol yaduureeni'gidi. Koo ceele sinni migaq koh aben.

Ermiyaas 32:18

Qadad sinni marah amurruqe sinni kacanu yaybulle Dagelta kinnitooh; kaadu xaleena bahte qellatah xaylo digaala Dagelta kinnito. Qande kee cayla le Dagelta kinnitooh; ku migaq YALLAY Nabaamak Nabahiyya.

Ermiyaas 7:18

Yol umam baahaana'gidih, urri keenik boco baahaah, ken abbobti woo bocot gira urussa. Agbi keenik qagina arqusa. Too qaginak too giral alaysen gaqambo, Gannat-Malikáy yallah loonuhiyyah dooqah baahan. Tohut mayaadiyaanay, yalla akak iyyan duyyeh sadgatah qinabak bicsen kamri baahan.

Ermiyaas 7:26

Takkay immay tohuh, yi yab yaabbeeh anu axcem ankacisa num siinit mayan. Mako litoonuh, yab oggola mara hinniton; sin kaxxa abbobti edde sugte dambik lafitta 'ya dambit assan», siinik iyya.

Yacedkel 23:35

Yoo YALLAY Mulki lehiyya kaadu axceemih, «Yoo hawwenteeh darre yot cabteemih sabbatah, ama litoh tan sammô-xagit kee abtah tan dalwak gexxaamah, biyak kol oobele» iyye.

Yacedkel 8:17

Too waqdi Yalli yok iyyeemih, «Bani-adantow, tamah table koo hinna! Yuudâ-mari tama'kkel abah yan umam-yabuli tableh tanik, ah celtam kinnii? Kulli waqdi qamalliinok aade waanaah; anu anqibinnaanim abaanam celtam kinnii? A diini-maleela gacak gactam elle aban inna maay tablee?

Yacedkel 8:3

Gabah innal tanim yoo fanah ruubunteeh; amô-xagor yok tibbixe. Too waqdi suwaawur gurral, Yallih Roocaaniyya qaran fanah yoo teyyeeqeeh; Yarusalaamak kilbat le kabuk yamaaten waqdi, Yallih Qibaadah-Qarik adda akak culan afa yoo bahte. Tokkel gabat bicsen duyyey yallah loonuhiyya fanah yoo bahte. Yallih naqabu bahtem, too duyyek ten.

Makaabon 5:8

Israayil mari Yalla akke sinnim yuqbudeh; too saaku woo baaxol qeebi gace. Morootom alfi yakke Israayil marat gob kee macaxu gabat le num mananna.