1 Malikwa 14:23 - NABUWWA KEE MALIKWA

²³ Kulli qaleh amo kee silal le cooxih gubal, duyye elle yaqbuden arooca xiseeniih, taahirik tan qamidwa akak iyyan qamidway xeetik bicseenihiyya sooliseenih, Aseera deqsittaamay yaqbudeenihiyyah astah heenih sugen gurumuuda soolisen.

1 Malikwa 14:23 ပူးပေါင်းရင်းမြစ်များ

1 Malikwa 12:31

Tohuk kalah qibaada elle aban aroocay fayyat raqtahiyyal qarwa xiseeh, woo aroocah seeka yakku waa maray Leewi-kedoh aabuke weehiyya hee.

1 Malikwa 14:15

YALLI Israayil digaalele. Israayil mari dori-qaxal tooboke bayrey caacay kabuk kabul yasgayyeh innah gacelon. Duma ken kaxxa abbobtih ikoytah yecee baaxoy away elle yaniinihiyyak ken ayyaaqele. Fuurat weeqaytuk woo kabul ken fixixisele. Toh keenik akah abu waam macaay intek, YALLAT naqabu culseeniih, Aseera deqsittaamay yaqbudeenihiyyah astah heenih sugen gurumuuda soolisen.

1 Malikwa 15:12

Xiiqareh-xiinak lab-maray coox-kee-xeet elle yaqbuden aroocal sugehiyya wokkek xiiriyeeh; kaak duma suge mari heeh suge gabak bicsen duyyey aqbuduk sugeenihiyya bayseh.

1 Malikwa 20:23

Malik-Banihadadak qaskar-abbobti intemii, «Israayil-marih-yallitte, qaleelâ-yallitte kinniimih sabbatah, qeebil nek yeyseenih. Takkay immay booxak-bagul qeebi keenit abnek, keenik aysenno.

1 Malikwa 3:2

Too dabaanal, YALLIH Qibaadah-Qari xissiimeh manannaay; tonna-leemik ummatta qibaada elle aban aroocay fayyat raqtahiyyal sadgat abak ten.

1 Malikwa 3:3

Suleeman YALLA kicinuk yeneeh, isi-abbah-raat kataatak yen. Takkay immay too qibaada elle aban aroocay fayyat raqtahiyyal sadgatah saq qidak yeneh, qaydarus kaadu sadgatah qeerisak yen.

2 Malikwa 10:26

Woo saytun-qamiddu akak axcuk sugen qamidduy wokkel sugehiyya afah yeyyeeqeenih cararisen.

2 Malikwa 16:4

Diini maleela qibaada elle abta aroocakaa, koomaamih amo takku, silal le cooxih guba takku, too aroocal Acad sadgatah saq elle qidaah, qaydarus elle qeerisak suge.

2 Malikwa 17:16

YALLAY ken doorehiyya keenil oobise amri cineeniih, Yallih aftok dahabak bicissa heen namma daheltih ceelo yuqbuden. Migaaqah Aseera deqsittaamay yaqbudeenihiyyah astah heenih sugen gurmudda soolisen. Tohuk kalah, cutuukâ-qibaada kee Baqal-deqsitta-duyyeh-qibaadat gacen.

2 Malikwa 17:19

Tohuh, Yuudâ-mari kaadu YALLAY ken Dageltah yanihiyyah amri moggolinnoonuy, Israayil-mari abak sugem aben.

2 Aydaad 24:18

Tonna-leemiik ummatta YALLAY oson akak raden ken kaxxa abbobti elle aamanuk sugtehiyyah xisen qaril abak sugen qibaada cabba heenih, xeet kee cooxuk bicsen duyyeeya kee Aseera deqsittaamay yaqbudeenihiyyah astah soolisen gurumuudah qibaadat gacen. Oson too umaanet aseenim, Yuuda kee Yarusalaam maral Yallih naqabu bahte.

2 Aydaad 28:4

Diini maleela qibaada elle abta aroocakaa, koomaamih amo takkuu, silal le cooxih guba takku, too aroocal Acad sadgatah saq elle qidaah, qaydarus elle qeerisak suge.

Yasaqya 57:5

Kaxxa cooxih gubay yalla akak intan duyye elle taqbudeenihiyyal, mango dalwa abtaanaah; xixxaqak tan gablooli kee goloolah addal, isinni xaylo sadgatah qiddan.

Ermiyaas 17:2

Sin mari silal le cooxih xaqul kee, koomaamih amo kee dululuh tan baaxol yan qaleelah amol, say-yalla akak iyyan Aseerâ migaaqal soolisen gurumuuda kee tet qibaadah xisen arooca yaqbuden. Edderra hayteenim kee maaluk elli haytaanam, a baaxoy siinih aceehiyyal abten dambih sabbatah, sin naqboytiitih gabat sin aysacawweyyo.

Ermiyaas 2:20

«Israayil ummatey, yi yab dumaak cinten. Yi amri cinteeniih, ‹Koo manaqbuda› inten. Too waqdi qaleelah amo kee kaxxa cooxih gubal, niqmat neh baahele akak intan duyye qibaadat gacak, dalwa abten.

Ermiyaas 3:13

Qellat lem bahteenim isinnik ixigaay, yooy YALLA kinnih sin Dageltah yanihiyyak amri cinteenim isinnik ixiga. Yi amri cinna hayteenih, silal allinnaan caxah gubal yi aftok duyye taqbuden. Toh qellat kinnim isinnik taaxigeenimi. Tahat yabtam yoo YALLA, keenik inxic› 'yaanam yok iyye» iyye.

Yacedkel 6:13

Woo oson Yalla 'yeenih yaqbuden duyye kee, sadgat elle aban aracih dariifal, raysi tittak bagul gacele. Kaxxa koomaami kee qaleelâ-sanaay, silal-le-coox kee sublâ-gubay qaydarus qeerisakaay xeet kee coox elle aqbuduk sugeenihiyyal, raysi raaqele. Too waqdi ummat inkih YALLI yoo kinnim aaxigele.

Yacedkel 6:3

‹Israayil qaleelaw, Mulki-le-YALLIH yab oobbeya› inxic. Yoo YALLAY Mulki lehiyya edde yaaba yab, qaleela kee koomaami kee qaleelak fanat tan goloolak, ‹Oobbeya› inxic. Xeet kee cooxuk bicsen duyyeeya elle yaqbuden arooca bayisu waa seef ruubeyyo.

Yacedkel 6:6

Israayil magaalooli suge waytem ceelak cabba heeyyo. Oson yaqbuden duyye kee sadgat elle aban arac riira abeyyo. Abba heenim inkih, suge wayteh innah, keenik heeyyo.

Hosiqa 10:1

«Israayil mari qinab caxay mango xaylo xaltah innal yeneeni'mmay, gaddaliino osak keenih elle ossaamal, yalla akke sinni duyyeh qibaada elle aban arooca xisen. Baaxo keenih allaggoowak allaggowteeh mango daro kee caxâ-miri aabakuk keenih elle yoobokeemil, xeetik bicsen qamidway yaqbudeenihiyyat aban bilqa lafitak laften.

Miika 5:14

Aseera deqsittaamay yaqbudeenihiyyah astah heenih sugen gurumuuda ragidiik siibeyyo. Magaalooli siinik bayseyyo.