1 Malikwa 14:21 - NABUWWA KEE MALIKWA

²¹ Suleeman baxi Racabqam, Yuudâ-malik yekke saaku, morootom kee inki karmat yen. Yarusalaam magaalay YALLI Israayil magaalak inkih isi qibaadah abittoh doorehiyyal, taban kee malcina karma malikih suge. Racabqam ina Naqma deqsitta barrak teneeh, Qammon deqsita marah aabakuk ten.

1 Malikwa 14:21 ပူးပေါင်းရင်းမြစ်များ

1 Malikwa 11:1

Suleeman gersi baaxoh agabuk mangom yikcine. Masri malikih baxá abiteeh, kalah kaadu Ciitaay Mooyabaay Qammonuy Edom kee Sayda deqsitak yen marih agabul digibe.

1 Malikwa 11:32

Sarrak kaadu qagissa heeh, kaak iyyeemih, «Yalli iyyemii, ‹Dawuduy yi naqasuh yenehiyya kee, Yarusalaam magaalay inkih tan Israayil addak inni magaala abehiyyah taagah, Suleemanah inki kedo cabeyyo.

1 Malikwa 11:36

Yoo elle yaqbudoonuh anu innih doore Yarusalaam magaalal, sarrî dabaanal Dawud ramadak numuk teeni abba yakke'gidih, Suleeman baxah inki kedo cabeyyo.

1 Malikwa 11:43

Tohuk lakal rabeeh Yarusalaamal Dawud-Magaala deqsita caafatal kaa yoogoqen. Kay baxay Racabqam deqsitahiyya kay lakal malik yekke.

1 Malikwa 12:17

Tohih sabbatah Racabqam dibuk Yuudâ-rasul dabaaqah suge marih abbootan luk raaqe.

1 Malikwa 14:20

Yarobqam labaatanna kee namma karmah malikih suge. Usuk rabeeh kay baxi kay arac ciggiile. Kay baxi migaaqah Nadab deqsitak yen.

1 Malikwa 14:31

Racabqam rabeeh; Dawud-Magaala deqsita caafatal malikwâ-buxah mara edde yoogoqen kabrit kaa yoogoqen. Racabqam ina Naqma deqsitta barrak teneeh, Qammon deqsita marah aabakuk ten. Kay lakal kay baxi malik yekke. Migaaqah Abiyya kaak axcuk yenen.

1 Malikwa 22:42

Qumrik soddom kee koona liggidat yeneeh; labaatanna kee koona sanat abbootan luk suge. Kay ina Qaduuba deqsitta barrak teneeh; Silci deqsita numih baxák ten.

1 Malikwa 8:16

‹Inni mara Masrik eyyeqqa heemiiy akke, Israayil baaxol yoo elle yaqbuden qari elle xisu waan magaala dooreh masuginniyo'mmay, yi ummatta xiinissa'gidih, Dawudow, koo dooreh› 'yaanam kaak iyyeh suge» iyye.

1 Malikwa 8:29

A qarik bar kee loqoh amo wagit. A qariy ku qibaada-elle-takke'gidih doortehiyyah fan ufkunna exceh kulli waqdi abah an dooqa yok raabit.

1 Malikwa 8:44

«Ku mari, atu ken amrissa waqdi, naqboytiitih isik yan marat qeebi abaana'gidih gaadan waqdi, faxe ikkeliiy yanoonay, a magaalay isih doorittehiyya kee ta Qariy ku qibaadah xisehiyya fan ufkunna 'yeenih kooy YALLAH yanihiyya kallacan waqdi,

2 Aydaad 12:1

Racabqam malik tikka 'yeh abbootan maqar bahha kaak hee saakuuk xabba haanam, kaa kee usuk amol akak reede mari YALLIH xinto cinaanam baahen.

2 Aydaad 12:13

Racabqam Yarusalaamal malikih elle raaqeeh, qandeh lafitak lafte. Naharak malik yekke saaku qumrik morootom kee inki sanatat yeneeh, taban kee malcina sanat Yarusalaam magaalal malikih suge. Yarusalaam magaala, YALLI inkih yan Israayil rasuk kay qibaada elle abaana'gidih doore magaalak ten. Racabqam ina migaaqah Naqma deqsitak teneeh; Qammon deqsita marah aabakuk ten.

2 Aydaad 13:7

Sarrî-daban kaadu anfiqe sinni maritteeta gaabossa heeh, kaak raaqe baxay woo saaku qunxaaneey ixxiga boola kee kasih dagna lehiyyat qeebi abe.

Yasaqya 12:6

Siyoonul geytima maraw, qililisa; ruffa 'xica. Israayil doore Dageltay *kudduusuk yanihiyya yan. Ni fanat tanim kaa kinni. Nabna leeh, muxxo lem kaa» 'yaanam axcuk too-ayroora Yallih mari Yallih migaq fayliseleeh, saarisele.