1 Malikwa 14:16 - NABUWWA KEE MALIKWA

¹⁶ YALLI Israayil ummatat darre cabele. Toh macaay intek, Yarobqam edde ase dambi kee, Israayil mara edde asise dambih sabbata» teetik iyye.

1 Malikwa 14:16 ပူးပေါင်းရင်းမြစ်များ

1 Malikwa 12:30

Ummatta too daheela taqbude'gidih, too arooca gexxeeh dambit asen.

1 Malikwa 13:34

Too umaaney usuk abak sugehiyya ellecabol kaa kee kay dardaarinna baati kee qaasir-umaane xalte.

1 Malikwa 15:26

YALLAL dambi lem baaheeh, kay abba Israayil dambit akah asisak suge'nnah, usuk kaadu dambit ken asise.

1 Malikwa 15:30

Toh Yarobqam kee kay buxah marat akah tekkem, isih dambit asakaay, Israayil ummat kaadu dambit asisak, YALLAY Israayil doore Dagelta kinnihiyyah naqabu isil oobiseemih sabbatah kaat tekke.

1 Malikwa 15:34

YALLAL dambi lem baaheeh; kaak duma suge Yarobqam Israayil dambit akah asisak suge'nnah, usuk kaadu woo dambit ken asise.

1 Malikwa 16:13

YALLI annah tanim kaa kee kay buxah maral akah baahemii, Baqsa kee kay baxay Eela deqsite bahte dambih sabbata. Oson xeet kee coox aqbuduk sugeeniih, Israayil ummat kaadu dambit asisak sugeeniih, YALLAY Israayil doore Dagelta kinnihiyyah naqabu isinnil oobisen.

1 Malikwa 16:19

Too rabah akah rabem, isih abe dambi. Yarobqamay Israayil ummat dambit asisak sugehiyyah gita kataatak sugeeh, YALLIH garil dambi lem baahe.

1 Malikwa 16:2

Nabi-Yaahu, too farmo kaal qideeh kaak iyyeemih, «YALLI kok iyyemii, ‹Tu'numuh masuginnitooy; inkih tan Israayil ummattay yi ummat kinnik abba koo abe. Tonna'mmay Yarobqamak kaxxih dambi le taamat asseeh, Israayil ummat dambi le taamat asisse. Oson aban dambih yot naqbi haak suge.

1 Malikwa 16:27

Tohuk kalah taniimiy Qomri abehiyya kee abinak edde assa 'yem Israayil-Malikwah-Aydaada deqsita kitaabih addal tan.

1 Malikwa 21:22

Ku buxah marat, Nabat-baxa-Yarobqamay Israayil-malikih yenehiyya kee, Aciiyâ-baxa-Baqsay kaadu Israayil-malikih yenehiyyah buxah marat tekkeemih innah tanim keenit akkele. YALLI woh akah kok iyyamaa, Israayil mara dambit asisseeh naqabu yot culusseemih sabbatah kok axce› iyyah yan» kaak iyye.

1 Malikwa 22:53

Usuk isi abbak kaxxih, Yallih aftok gabak bicsen ceeloy Baqal deqsita yuqbude. Tonna-leemik YALLAY Israayil doore Dagelta kinnihiyyat bagcarra ugse.

2 Malikwa 10:31

Tonna'mmay Yaahuh tu gactek, YALLAY Israayil doore Dageltah yanihiyyah xinto baguuk moggolinnaay; Malik-Yarobqam abe uma-taamay Israayil ummat dambit akah asak sugtehiyya kataatak suge.

2 Malikwa 13:2

Yowaahad YALLAL dambi lem baahak sugeeh, kaak duma malikih suge Nabát-Yarobqam abe uma-taamay Israayil ummat dambit akah asak sugtehiyya kataatak suge. Edde suge uma-taama way macabinna.

2 Malikwa 13:6

Tonna'mmay Israayil mari, Yarobqam ken yuybulleeh cabe dambih abittok maraaqinna. Tohuk kalah kaadu, migaaqah Aseera deqsittaamay yaqbudeenihiyyah astah heenih sugen gurmudda Samaariyal elle suge aracak makalinnon.

2 Malikwa 14:24

Takkay immay usuk kaadu YALLAL dambi lem baaheeh; kaak duma malikih suge Nabát-Yarobqam abe uma-taamay Israayil ummat dambit akah asak sugtehiyya kataatak suge.

2 Malikwa 15:18

Manacem kaadu YALLAL dambi lem baaheeh; kaak duma malikih suge Nabát-Yarobqam abe uma-taamay Israayil ummat dambit akah asak sugte kataatak suge.

2 Malikwa 15:9

Kay kaxxa abbobtik kaxxih YALLAL dambi lem baaheeh, kaak duma malikih suge Nabát-Yarobqam abe uma-taamay Israayil ummat dambit akah asak sugtehiyya kataate.

2 Malikwa 17:21

YALLI, Yuudâ-marak ken baxsek lakal, Israayil-mari Nabat-baxa-Yarobqam malikih haysiteeh; usuk kaadu YALLIH gitak ken yeyyeeqeh kaxxam gibdi dambit ken asise.

2 Malikwa 17:23

Sarrak ellecabol, isi nabuwwak akah inxicca 'ye innal, isi garik ken xiiriyeh. Tonna-leemiik Assuuriyah-baaxo ken yiskiliqeeh tokke fan seewah ken been. Ta saaku fanah tokkel yanin.

2 Malikwa 21:16

Manasse, Yuudah-ummatta Yallih-gita cabba hayteh YALLAL dambi lem baahaanamat asise. Too dambik kalah kaadu ossotinah, Yarusalaam-gitittel qabal weeqi innah caxitam fan mango masaakiinay tu baahe wayte qide.

2 Malikwa 23:15

Yoosiyaahu, Nabát-Yarobqamay Israayil mara dambit asisehiyya, Beetal deqsita aracal, gabak bicsen duyyeh-ceelo elle yaqbudoonuh heeh suge arac kee sadgat elle aben mansaf yiggileh. Too duyyeh qibaadah aracay tokkel hee sugehiyya butukku heeh, xeet akak iggiggilla heeh, gomboduh gacissa hee. Aseera akak iyyan duyyey say-yallah luk sugeenihiyyah soolisen gurmuddat gira ruube.

2 Malikwa 3:3

Tohuh, kaak duma malikih suge Nabát-Yarobqam abe uma-taamay Israayil ummat dambit akah asak sugtehiyya abak sugeeh; woo dambi le taamah abitto macabinna.

2 Aydaad 28:19

YALLI, Malik Acad sabbatah, Yuudâ-mara sinaamak gaca mara abe. Malik Acad YALLAL imaan sinni num sugeeh; isih leh yan umaane Yuudâ-marat tabseeh; too mari kay gita kataatak suge.

Yasaqya 40:24

Ubukka 'teh cabaaritte, qunxa caxah gide kinnon. Yalli caaco ruuba waqdi, qunxa caxa cabaarittah; kaffa karacca 'tah rabtah. Baaxoh abbobti too gide. Caaco beyta caffa yakken.

Ermiyaas 5:31

Toh macaay inteenik, nabuwwa diraabak sa nummat yaabe waytam tibbixe. Seeka nabuwwa aba intem abta. Yi mari tohum yableh immay akak iyyam mali! Hay meqehik, ellecaboh ayroy kullim gaba edde kalta maca abetton?» 'yaanam siinik iyye.

Miika 6:16

Tah akah takku waytam, Malik Qomri kee kay baxa Malik Acab abak sugte uma-taamah amo tibbixeenimih sabbata. Tohuk gexxaamah sin bayseyyo. Sahda inkih sin ilaaqele. Kulli baaxoh mari qunxa intit sin ablele» iyye.