1 Malikwa 13:33 - NABUWWA KEE MALIKWA

³³ Nabi takku waytam kaah warseh immay, Yarobqam abak suge dambi le abtok akah maadayinna. Seekâ-gurral qibaada sinam absiisa mara doorru heeh qibaada-elle-aban-aroocay fayyat raqtahiyyal hee. Tohuk kalah, too aroocal too taamat gacam faxinnaan num elle haak yen.

1 Malikwa 13:33 ပူးပေါင်းရင်းမြစ်များ

1 Malikwa 15:26

YALLAL dambi lem baaheeh, kay abba Israayil dambit akah asisak suge'nnah, usuk kaadu dambit ken asise.

2 Malikwa 10:29

Takkay immay usuk isih, kaak duma malikih suge Nabát-Yarobqam abe uma-taamay Israayil ummat dambit akah asak sugtehiyya abak suge. Malik-Yarobqam dahabak bicsen daheelah ceeloy Beetal kee Daan deqsita aracal bicsehiyya yuqbudeeh, Israayil ummatta inkih too dambit asise. Yaahu kaadu tohim yuqbude.

2 Aydaad 11:15

Malik Yarobqam isih malikih elle suge baaxol, Yallih aftok duyyeeya elle yaqbuden aroocay fayyat raqtahiyyal isih doorite maray seeka akak iyyahiyya hee. Too aroocal dabeela kee daheltih ceelo aqbuduk yenen. A ceeloola akak bicseenim, cooxuuy xeet kee dahabak ten.

2 Aydaad 13:9

YALLIH seekay Haaruunuk raddehiyya baaxok xiiriyteenih Leewih yooboke mara kaadu baaxok teyyeeqeenih, ken aftok Yalla maleela akah abta innah, isinnih dooritten maray seekâ-samad alle waahiyya yallah liton duyyeeya elle taqbuden aracal seekah haysitten. Dahaltu kee malcina maruw baahinnaan numuk, ‹Isin seeka tekkeenih› intan.

2 Aydaad 17:4

Kay abba aqbuduk suge Dageltah qibaada abeeh, Yallih amri iyyam abak yen. Israayil malikwa Yallih gitak tewqeh sugte'mmay, usuk ken innah mawqinna.

2 Aydaad 28:22

Too saaku too gadaamah addat anuk, YALLA kassa mahannaay; umaane kaak dumak lafitteh.

Ermiyaas 18:4

Buuti akak bicsam faxa kallayti buutit meqe'nnal bice waam yuble waqdi, wokkek kalla heeh woo kallaytuk gersi buuti gersi qaynatal bicisah uble.

Ermiyaas 5:3

YALLAW, atu faxxam, yaaminen maray atu faxxaamak amot tu hee waahiyya. Ken biyaakisseh immay tuh maballon; digaala keenil oobisseh immay kas akak magennon. Yab yaabbeeh dambik yaduure mara hinnon; afqado keenik xeet tekke.

Qaamus 6:11

«Tonnal YALLI elle amrise'nnal, qunxa qarwa kee kaxxa qarwa addigillele.

Qaamus 7:10

Too waqdi Beetal magaalal kaxxa seekih yen Amaxya deqsita num, Israayil malikiy Yarobqam deqsitahiyyah farmo ruube. Farmoh kaah ruubemii, «Qaamus akak iyyan num Israayil marih addat gacca 'yeh, kok abu waamih malat yan. Kay yaabat ummat aylahitta 'teh baaxo baatam faxxa.

Makaabon 17:12

Miika sek kaa abeh, isi buxal kaa abbaxuk yen.

Makaabon 17:5

Miika qibaada elle aba arac luk yen. Yaqbuden duyyey gabak bicseenihiyya kee, rikeek tan saroy sek haysita buxal luk yen. Too duyyey yaqbudeenihiyyah garil gacu waa seekih isi baxa hee.