1 Malikwa 13:2 - NABUWWA KEE MALIKWA

² Too-nabi, YALLI kaak inxica elle iyye innal, iyyemii, «Sadgat-aracaw, sadgat-aracaw, kok axcem oobbey! YALLI kok inxicca iyyem kok axcu waa. Dawuduk radu waa marak Yoosiyaahu deqsita awki aabukele. Too awki yanabu waa saaku, qibaada-elle-aban-aroocay fayyat raqtahiyyal seekâ-gurral taamita maray ku gari sadgatah qaydarus qeerisaanahiyya qideleeh, ku bagul ken carrisele. Sahdayti-lafa ku bagul carriselon» iyye.

1 Malikwa 13:2 ပူးပေါင်းရင်းမြစ်များ

1 Malikwa 13:32

Usuk Beetal elle yan sadgat-arac kee Samaariyah baaxol geytinta magaaloolil qibaada elle aban aroocay fayyat raqtahiyyah qaadak edde yaabe yaabay YALLI kaak inxica iyyehiyya nummak maacisele» iyye.

2 Aydaad 34:1

Yoosiyaahu naharak Yuudâ malik yekke saaku bacra karmat yen. Soddom kee inki sanat Yarusalaamal malikih suge.

2 Aydaad 34:3

Malik yekkeemih bacarhaytô sanat gufe saakuy qunxa furraynuh yanihiyya isi kaxxa abba Dawuduk kaxxih, Yallih qibaadat gace. Affara sanatak lakal, diini-maleela qibaada elle abak sugte aroocay fayyat raqtahiyya baysam qimbise. Aseera deqsittaamay yaqbudeenihiyyah astah heenih sugen gurumuuda kee, tohuk kalah tan duyyeeyay Yallih aftok aqbuduk suggu 'yeenihiyya baysam qimbise.

Yasaqya 1:2

YALLI iyyeemih, «Sin lih yabtem, YALLAK; qaran kee baaxoy, ankacisa. Anu innih qarise urri yab yok cineh; xaylo yoo cinteh.

Yasaqya 42:9

Duma edde yaabeeh, akkele akak excem tekkeh tan. Taway sarra takku waytam, takkeemik dumal edde yaabe» 'yaanam YALLI iyye.

Yasaqya 46:10

Sarra takku waytam dumal elle warseh suge. Sarrî-dabaanal takku waytam naharal elle sin iysixxigeh suge. Anu abam faxam akkele ikkal, raq matalla. Abeyyo inxicca excem abeyyo ikkal, fanat akak maasa.

Yasaqya 58:1

YALLI iyyaamah, «Anay fayya haay! Baantah innah kaayey! Yaqkuubuk rade maray yi mara kinnihiyyak, ‹Yalla cinteenih dambit assen› inxic.

Ermiyaas 1:2

Amón-Yoosiyaahu Yuudâ-rasul malik edde yekke taban kee sidochaytô sanatat, YALLIH qangara Ermiyaasal obteeh;

Ermiyaas 22:29

Woyyow yi ummatey, woyyow yi ummatey! YALLI siinik iyyam oobbeya.

Yacedkel 36:1

Yalli iyyeemih, «Bani-adantow, Israayil qaleelat takku waytaamat yab. Yoo YALLAY Mulki lehiyya ken lih yaaba yab ankacisa keenik inxic. Israayil naqboytit kaxxiinat, ‹A qaleeli niimi› 'yaanam iyyen.

Yacedkel 36:4

Tonna-leemiik dariifal yan mari elle anqaasaah buuben qaleelaay koomaamiiy, daqooruuy, gololwa kee abuuruh raqte aroocaay, tonnah kaadu, abur aben magaalooliy, takkeenimiik, yoo YALLAY Mulki lehiyya siinik axcem oobbeya.

Yacedkel 38:4

Sanat santiita kok hayya heeh, koo kee ku qaskar qusba yaahatal ayfukuneyyo. Qaskaray faaris amok qeebi abtahiyyak mangom lito. Kulli qaskariiti gob kee seefit tikyah yan. Takkay immay koo kee ku qaskar fixixiseyyo.