1 Malikwa 12:24 - NABUWWA KEE MALIKWA

²⁴ «Keenik intaamah, ‹Israayil mari sin tooboko'mmay, qeebi keenit maabina. Away tikka 'tem inkih yi fayxik tekkeemi'mmay, takkeenimik inkih isinni buxah uduura› keenik inxic» iyye. Too mari YALLIH amri oggoleenih; yakkeenimik isinni buxah yuduuren.

1 Malikwa 12:24 ပူးပေါင်းရင်းမြစ်များ

1 Malikwa 12:15

Aham duma akkelem YALLI, nabi-Aciiyah-afat Yarobqamah warseh sugeeh; tohuk gexxaamah Racobqam ummatta faxxam abam cineh. Siilol yoobokeh yen Aciiya deqsita nabi iyyem nummak maacisse.

1 Malikwa 12:25

Israayil malikih yen Yarobqam, Efrayim kedoh qaleela mango aracal ten Seekem deqsitta magaalat maroh gaso heeh, sarrak dago gide wokkel suge. Waqlak wadir wokke cabeh gexeeh, Fanyel magaalat maroh gaso hee.

1 Malikwa 14:30

Racabqam kee Yarobqam abbootanal sugga iyyen dabaanal carbi tittat abak sugen.

2 Aydaad 11:4

«Keenik intaamah, ‹Israayilih mari sin tooboko'mmay, qeebi keenit maabinaay; away tikka 'tem inkih yi fayxik tekkeemi'mmay, takkeenimik inkih isinni buxah uduura› keenik inxic» iyye. Too mari YALLIH amri oggoleenih, yakkeenimik isinni buxah yuduuren.

2 Aydaad 22:7

Acadya tokke Israayil malikit boysita'gidih abe gexo, Yalli baati kaal akah takke innah, abe. Usuk tokkel gexe waqdi, Yalli, kaa kee Yooramat, Nimsí-Yaahu deqsita num ruube. YALLI too num akah ruubem, Acab durruyyatih dardaarinna a numih gabat bayisa'gidik ten.

2 Aydaad 25:10

Toh yoobbe waqdi, Amaxya taaxige qaskaray lakqot limmoyseh sugehiyyak, «Ahaysa isinni baaxo uduura» axcuk xiiriye. Too qaskar isi baaxo tuduureh immay, Yuudâ-mara kaxxa naqabuh niqibuk gexen.

Hosiqa 8:4

«Yi mari malikwa keenih yekke mara isinnih dooriteeni'mmay, woo dooro yoo maleh, isinni amok aben. Abbobti keenik yakku waa mara dooriteenih immay, woo dooro keenik moggoliminna. Buxal luk sugen qado lakqo kee dahabak, yalla axcuk yaqbuden duyye bicsen. Too duyye baati keenil baahele.

Makaabon 14:4

Kay xaleena aham kaa absissam, YALLA kinnim maaxaginnaay; YALLI Filistiin-maral umaane baaham faxak yen. Too dabaanal Filistiin-mari Israayil-marak reedah amol yenen.