1 Malikwa 12:20 - NABUWWA KEE MALIKWA

²⁰ Israayil mari Yarobqam Masrik yuduurem yoobben waqdi, elle kobxeenih sugen arac fan yamaate'gidih, kaah seeceeniih; tokke yemeete waqdi malik kaa aben. Yuudah yooboke mari dibuk Dawuduk rade marih gubat raaqe.

1 Malikwa 12:20 ပူးပေါင်းရင်းမြစ်များ

2 Samuwel 20:2

Too waqdi Israayil mari yakkeemiik Dawud cabeh Sabaq lih gexen. Yuudâ-marah tu gactek elle raaqeeh; Ordonuk xabba haanamaay Yarusalaam magaalah amma 'yaanam kaa'lih yemeeten.

1 Malikwa 11:13

Tonna'mmay elle dardaara baaxo inkih kaak mabeya. Usuk amol akak dardaaru waa inki kedo kaah cabeyyo. Toh akah abu waam, Dawuduy yi naqasuh yenehiyya kee Yarusalaam magaalay innim abehiyyah taaga» 'yaanam iyye.

1 Malikwa 11:26

Tohuk kalah kaadu, Nabát-Yarobqam deqsita numuy kay gubal doolat taamat yenehiyya kaadu Suleemanak naqboyta yekke. Yarobqam Efrayim kedoh aabakuk yeneeh; elle catem, Dareeda deqsitta magaalak ten. Kay ina Xaruqa deqsitak teneeh; gubnah ten.

1 Malikwa 11:32

Sarrak kaadu qagissa heeh, kaak iyyeemih, «Yalli iyyemii, ‹Dawuduy yi naqasuh yenehiyya kee, Yarusalaam magaalay inkih tan Israayil addak inni magaala abehiyyah taagah, Suleemanah inki kedo cabeyyo.

1 Malikwa 11:35

Takkay immay Suleemanak raaqu waa baxak dardaarinna beyya heeh, taban takke kedoh abbootan koh akak aceeyyo.

1 Malikwa 11:36

Yoo elle yaqbudoonuh anu innih doore Yarusalaam magaalal, sarrî dabaanal Dawud ramadak numuk teeni abba yakke'gidih, Suleeman baxah inki kedo cabeyyo.

1 Malikwa 11:37

Yarobqamow! Koo Israayil malik abeyyooh, isih faxxa hayte rasul inkih abba koo abeyyo.

1 Malikwa 12:17

Tohih sabbatah Racabqam dibuk Yuudâ-rasul dabaaqah suge marih abbootan luk raaqe.

2 Malikwa 17:21

YALLI, Yuudâ-marak ken baxsek lakal, Israayil-mari Nabat-baxa-Yarobqam malikih haysiteeh; usuk kaadu YALLIH gitak ken yeyyeeqeh kaxxam gibdi dambit ken asise.

Hosiqa 11:12

YALLI kaadu iyyeemih, «Israayil ummat dirab kee ayra yol tecee. Yuudâ mari yi yaabih cinat yanih; yooy digga leeh taahirik yan Dageltah yani cineenih.

Hosiqa 8:4

«Yi mari malikwa keenih yekke mara isinnih dooriteeni'mmay, woo dooro yoo maleh, isinni amok aben. Abbobti keenik yakku waa mara dooriteenih immay, woo dooro keenik moggoliminna. Buxal luk sugen qado lakqo kee dahabak, yalla axcuk yaqbuden duyye bicsen. Too duyye baati keenil baahele.

1 Samuwel 10:24

Sarrak Samuwel ummattak iyyemii, «YALLI doorem tama numuuy; kay xaqan le num ni addat mayan» keenik iyye. Sarrak ummatta inkih anay fayya haak, «Ani haay malik! Ani haay malik!» iyyen.