1 Malikwa 11:39 - NABUWWA KEE MALIKWA

³⁹ Suleeman abe dambih, Dawuduk radu waa mara digaaleyyo. Takkay immay amurruqe wayta digaalah ken madigaala› » 'yaanam too nabi kaak iyye.

1 Malikwa 11:39 ပူးပေါင်းရင်းမြစ်များ

2 Samuwel 14:14

Nanu, caxitte lee innal, wadir manaduuraay inkih rabah nan. Takkay immay Yalli marin baaxo megloh gexe num elle yaduure gurra kaah bicsa'kkal, kaa maqida.

1 Malikwa 11:36

Yoo elle yaqbudoonuh anu innih doore Yarusalaam magaalal, sarrî dabaanal Dawud ramadak numuk teeni abba yakke'gidih, Suleeman baxah inki kedo cabeyyo.

1 Malikwa 11:38

Yi naqasuh yen Dawud akah abak suge innah, anu kok aba axceemik tu cabe'kal duudusseeh, anu oobise xinto aba intam abteeh, anu koo akah amrisam abak, yi garil cakkik tan taamat ase koo tekkek, kulli way ku qaxat gaceyyo. Israayil malik koo abeyyooh, Dawuduh akah abe innah, ku lakal kok radu waa marak numuk teena reediseyyo.

1 Malikwa 11:40

Toh yoobbe waqdi, Suleeman Yarobqam qidam faxeeh; takkay immay Masri malikiy migaaqah Sisak deqsitak yenehiyya fan kaak aleelite. Suleeman rabba 'yam fan tokkel suge.

1 Malikwa 12:16

Yemeete mari, malik yab keenik aabbe cinem yublen waqdi, «Ah maca neh xiqee, Dawud kee Dawuduk rade mara? Nee kee keenik maca tangalee? Kata labhay, nee beya! Racabqam ahaysa isih faxem abbaasitay» iyyen. Tohuk wadir Israayil mari woo xintol saduh gacen.

1 Malikwa 14:8

Dardaarinna Dawuduk rade marak beyya heeh koh ecee. Takkay immay Dawuduy yi naqasuh yeneeh anu aba exceemik sah gersim abe waak yi amri afqadook duudusak yenehiyya makkinnito.

Yasaqya 7:14

Tonna'mmay YALLI asta isih sin aybulleele. Baxuwwah tan barra aadiqeleeh, lab-baxa xaleleeh, too awki migaaqah Ammaanuwel deqsitele.

Yasaqya 9:7

Kay abbootan osak oseleeh, ambaxe sinni amaan gacele. Dawud korsil gaceleeh, kay baaxol ellecaboh ayro fanah dardaarah anuk, qadli kee cakkih yan gitat xiinisele. Taham YALLAY Nabaamak Nabahiyya isi mara yaysiiseemih fayxi kee, keenih le kaxxa kacanuk akkele.