1 Malikwa 11:34 - NABUWWA KEE MALIKWA

³⁴ Tonna'mmay, tohuh, luk suge reedak inkitanuuk kaa moobisaay, yanim fanah luk suge dardaarinnih qarkaytol yanay kaa axceyyo. Toh akah abu waam, kay maqaane hinna'mmay, yi naqasuh yen Dawuduy anu doorey anu amrisem abak yeneeh, anu oobise xintol tanim kee anu aba axcem duudusak yenehiyyah taaga.

1 Malikwa 11:34 ပူးပေါင်းရင်းမြစ်များ

2 Samuwel 7:14

Anu innih abba kaah akkeyyooh; usuk kaadu baxi gideh yok gacele. Umam abah kaa ublek, abba baxa elle digaala'nnal kaa digaaleyyo ikkal,

1 Malikwa 11:31

Too waqdi Yarobqamak iyyeemih, «YALLAY Israayil doore Dageltah yani, ‹Suleeman le dardaarinna kaak beeyyooh, usuk amok akak suge kedok tabna af koh akak aceeyyo› kok iyye» 'yaanam kaak iyye. Sarrak, «Away a saroy qanxisehiyyak tabna af gabat bet» kaak iyye.

1 Malikwa 11:33

Toh kaal akah baahu waam, Suleeman yoo cinna heeh gersi baaxoh mari yaqbude duyye yaqbudem baaheeh; yoo yaqbudem cabba hee. Qastarot deqsittaamay Saydâ marih say yalla axcuk too mari yi aftok yaqbudehiyya kee, Mooyab mari yaqbude Kamos deqsittaamay Mooyab mari kaadu yallah lehiyya kee, Milkom akak iyyaanamay Qammon mari yallah lehiyya yaqbudeemit gace. Kay abba Dawud yi gita katayak yeneeh, anu oobise xinto kee amri oggolak sugeh immay, usuk oggolaanam cineh. Suleeman yi gita cabba heeh ceele waytut ase.

1 Malikwa 11:35

Takkay immay Suleemanak raaqu waa baxak dardaarinna beyya heeh, taban takke kedoh abbootan koh akak aceeyyo.

1 Malikwa 3:14

Toh lih kaadu, ku-abba-Dawud akah abak suge innah, anu-kok-aba-axcem abteeh yi xinto kee yi amri inkih tugdubek, qumri kok ayxeereyyo» 'yaanam kaak iyye.

Yasaqya 55:3

Yi ummatey anu axcem ankacisaay yi fan ama; rooci siinik waara'gidih ankacisa. Waara xagana sin lih heeyyooh, Dawuduh qahdi akah cule kacanuy digga lehiyya siinit heeyyo.

Cabakkuk 3:2

YALLAW, duma abtem kok oobbeh. Migaq gexxo le Dagelta kinnitom, YALLAW, aaxigeh. YALLAW, kok abto digga haa; duma-abtem cubbusa waqdi, qagabsitah, qagab axce. Kaxxa abittoy dumah abte, ni dabaanal kaadu qagis. Isi qande nee uybulluyaay isi bagcarrak nee cataay, isi racmatta nel oobis.