1 Malikwa 11:3 - NABUWWA KEE MALIKWA

³ Suleeman malikwâ-xaylok malcina bool takkem abiteh yen. Kalah kaadu, sidiica boolih barray caggô-gubih caggoh nikaacat yabbixehiyya luk yen. Too agbi Yallak kaa yeyxeereh.

1 Malikwa 11:3 ပူးပေါင်းရင်းမြစ်များ

2 Aydaad 11:21

Racabqam-agbi tittat taban kee bacra akkuk yeneeh, wohuk kalah kaadu, caggô-gubih caggoh nikaacat yabbixe agabuk lactam luk yen. Xaylok kaadu lab-urrih labaatanna kee bacra kee say-urrih lactam luk yen. Nikaacat abbaxuk yen agabuk inkihii, kacanuh Maqkah lafitak yen.

Aster 1:18

Doolat taamat kaxxa arac le marih agbi, a saakuk wadir, isinni baqoltik toh iyyoonu waanama. Ahaysa kulli ikkel agbi baqolti-yab yaabbem raaqeleeh; baqolti isi agabu lih qaduwwuttam qaada akkele.

Makaabon 3:6

Say xaylo rihimih keenik abiteeniih, isinni xaylo kaadu rihimih keenih yeceen. Tohuk kalah, oson aqbuduk sugen duyyeeya ken lih yuqbuden.

Makaabon 9:5

Tokkek Qofra akak iyyan magaalal tan abbah-xaylo fan gexeeh, too magaalal yen xaahih amol malcina-taban tooboko inkih yusguude. Takkay immay barah inkih keenik qunxuk yen toobokoytay migaaqah Yootam deqsitahiyya yombooqoreh raaqe.